Comezan as obras de reposición do saneamento na rúa Pardo Bazán de Burela

Nota de prensa:

EN BURELA DERON COMEZO AS OBRAS DE REPOSICIÓN DA REDE DE SANEAMENTO NA RÚA PARDO BAZÁN, ENTRE EIJO GARAY E CURROS ENRÍQUEZ. OS TRABALLOS, QUE SUPORÁN UN INVESTIMENTO DE MÁIS DE 42.000 EUROS, FORON SUPERVISADOS ESTA MAÑÁ POR GONZÁLEZ BARCIA E FERNÁNDEZ VALLE.

Burela, 24 de xaneiro de 2012. En Burela deron comezo as obras de reposición da rede de saneamento na rúa Pardo Bazán, entre Eijo Garay e Curros Enríquez. O prazo de execución é dun mes e o presuposto ascende a 42.600 euros. Os traballos foron supervisados esta mañá polo alcalde, José María González Barcia, e polo concelleiro de Obras, Manuel Fernández Valle.

O rexedor indicou que “agora mesmo estábamos a ter bastantes problemas porque esta rede tiña moi pouco caudal, era un tubo estreito, e iso estaba a ocasionar dificultades tanto nos sumidoiros como nos entronques de certos edificios coa propia rede. Óptase por substituir prácticamente toda a rede de alcantarillado na parte da beirarrúa da Casa da Cultura e en boa parte da beirrarúa de enfrente. Ao mesmo tempo se acondicionan os pozos existentes, se repoñerán os entronques e o pavimento á súa situación orixinal”.

O presuposto da obra é de 42.600 euros e está incluída dentro do POS (Plan de Obras e Servizos) de 2011 da Deputación Provincial de Lugo. O prazo de execución é dun mes, “co que agardamos que a finais de febreiro as obras estean rematadas”, dixo González Barcia.

O alcalde lembrou que “se trata dunha obra que é continuidade das actuacións que xa se fixeran no seu momento vinculadas coa mellora da rede de saneamento. Na propia rúa Pardo Bazán nun tramo a continuación do parque xa no seu día se acometeron traballos importantes e nesa liña imos continuar, é decir, naquelas zonas que vexamos algún tipo de problema co alcantarillado tentar substituilo para que o servizo sexa o mellor posible e evitar problemas coma os que se estaban a producir en Pardo Bazán ata agora”.