Nota de prensa
CHRISTIAN: ‘O EQUIPO ESTÁ TRABALLANDO BEN PARA VOLVER Á DINÁMICA GAÑADORA EN ANTEQUERA’
O Burela FS Pescados Rubén cumprirá a décimo oitava xornada da Segunda División mañá na pista do UMA Antequera FS, duodécimo clasificado (19 puntos); o pavillón malagueño Fernando Argüelles dará o toque de saída ás 18.00 horas. Para o laranxa Christian Palmeiro, que celebrou o seu regreso ás pistas tras a lesión de xeonllo co gol do empate ante o Andorra, “o equipo está traballando ben para volver á dinámica gañadora en Antequera. O traballo que non se ve, o de toda a semana nos adestramentos, dános confianza e forza para rematar con esta mala etapa”.
Para o xogador viveirense, a clave para facerse cos tres puntos e defender a oitava praza (22 puntos) en terras andaluzas pasa por manter “a seriedade en ataque e defensa demostradas ante o Andorra”. Con respecto ao seu anterior cruzamento no que o electrónico quedou en táboas (2-2), o mariñán ve “un Burela FS máis forte e con mellor xogo, ademais dun punto extra de motivación”. “O conxunto malagueño é un rival con calidade e gol; os xogadores levan anos xuntos. Teñen resultados avultados polo que deberemos estar moi mentalizados na defensa porque á contra poden facer moi dano”.
Xunto a Christian, que quixo agradecer “o apoio de compañeiros, corpo técnico e directiva nos momentos difíciles”, compoñen a convocatoria para mañá Brais, aínda con molestias, André, Purao, Ique, Juanma, Iago Barro, Víctor López, Bebeto, Turero y Iago Míguez. Clebinho cumprirá o segundo e último encontro de sanción tras a expulsión en Murcia.
Empatados a puntos cos laranxas, o Gáldar Gran Canaria, noveno, recibirá o segundo clasificado, Sala 5 Martorell (29), e o UA Ceutí, décimo, será o anfitrión ante o décimo quinto, Space Gasifred Ciutat d’Eivissa (17).
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
