Nota de prensa:
O portavoz do Mar do Grupo Parlamentario Popular, Jose Manuel Balseiro resposta ás críticas socialistas sobre execución orzamentaria
BALSEIRO ASEGURA QUE A CONSELLERÍA DO MAR EXECUTOU 333.000 EUROS DIARIOS NO 2011, 73.000 EUROS MÁIS DO QUE NO MESMO PERÍODO FIXO O GOBERNO BIPARTITO EN 2009
O deputado do Grupo Popular salienta que a Xunta está a traballar nun contexto económico moi difícil e con plena consciencia da situación económica real do sector na mentres que o PSdeG segue instalado en negar a realidade e descoñecer os efectos da crise.
Santiago, 16 de xaneiro de 2012.- O voceiro do Mar do Grupo Parlamentario Popular, Jose Manuel Balseiro, vén de lamentar as críticas vertidas en relación coa execución orzamentaria da Consellería de Medio Rural e Mar e sinala que desde a Xunta de Galicia se está a traballar para aproveitar ao máximo posible os Fondos Europeos de Pesca, que considera positivos para o sector pesqueiro galego.
O deputado popular aclara que as cifras citadas polo PSdG se refiren a fondos executados ata o día 30 de setembro, coincidindo coas ordes de axudas en curso, unhas datas nas que a Consellería estaba complementando a documentación destas ordes para poder executar o gasto. Neste sentido, lembra que nesta data o equipo da Consellería puxera xa a disposición do sector, mediante orde de axuda, máis do 83% do orzamento.
ESCENARIO DOBREMENTE COMPROMETIDO
A este respecto, Balseiro sinala que o Goberno galego atópase nun escenario dobremente comprometido. Por unha banda, a execución de fondos non depende da vontade da Consellería, senón da escaseza de crédito concedido para a iniciativa privada que non atravesa o seu mellor momento por mor da crise. “Por outro lado, o Executivo autonómico ten que desenvolver un programa operativo deseñado polo bipartito, ás veces pouco adecuado á realidade, coma no caso das axudas específicas destinadas á pesca costeira artesanal, certamente imposibles de executar debido aos requisitos establecidos na súa orixe”, explicou.
Aínda así, tal como subliñou a propia conselleira, Rosa Quintana, durante a súa comparecencia no Parlamento sobre os orzamentos, a daquela Consellería do Mar executou ata a novembro de 2011 uns 333.000 euros diarios fronte aos 260.000 executados diariamente polo executivo bipartito na súa última etapa de goberno en 2009. Ademais, entre os anos 2006 e 2008 a media de cartos executados polo anterior executivo ata o mes de novembro foi de 85 millóns de euros (un 25,2% do orzamento), mentres que a do actual goberno, nos mesmos períodos, é de 111,4 millóns.
No relativo aos fondos non executados, Balseiro quixo apuntar que a maior parte das baixas derivan de fondos non gastados durante a etapa do bipartito. Así, en 2007 e 2008 a execución foi case nula provocando que se arrastrasen remanentes e engrosando a cantidade herdada.
ACUICULTURA
No caso específico da acuicultura, cabe destacar a parálise á que foi sometida esta actividade durante a época bipartita que condicionou a súa reactivación na presente lexislatura. “Naquel momento de bonanza no que había fondos para que as grandes empresas optasen a axudas, non se lles permitiu investir”, recordou. De feito, durante ese período non proliferou ningún proxecto de acuicultura. Desta maneira, o último proxecto acuícola desenvolvido en Galicia (a granxa de orella de mar en Muros) iniciou a súa tramitación co Partido Popular no Goberno no ano 2005 e aprobouse co executivo actual, que tamén é do PP.
Balseiro aclara ademais que o actual Goberno asentou esta lexislatura as bases para garantir seguridade xurídica plena aos inversores, mediante a adquisición directa dos terreos para a actividade acuícola e o deseño dunha planificación que permitirá un desenvolvemento sostible da acuicultura nos eidos ambiental, económico e social
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
