Burela Pescados Rubén-Hotels Praza Andorra, no regreso de Marca TV á Segunda División
As retransmisións televisivas de partidos de Segunda División volverán este sábado 21 de xaneiro ás 13.00 en Marca TV co partido Burela Pescados Rubén-Hotels Praza Andorra (Vista Alegre, venres 20, 21.00 horas), dous equipos que aspiran a conseguir o ascenso de categoría ao final de tempada.
A Pista Oficial da Liga Nacional de Fútbol Sala desprazarase ao pavillón de Vista Alegre, debido á parada de Primeira polo Campionato de Europa de seleccións Croacia 2012, para ser o escenario do duelo entre galegos e andorranos. O encontro porá fronte a fronte o segundo clasificado e o noveno, que nestes momentos ten no seu poder o sétimo billete para os play off.