A xornada do próximo 12 de agosto incluirá obradoiros infantís por idades, unha ruta guiada pola serra da Coriscada e a emisión comentada en pantalla xigante a cargo do xeógrafo e meteorólogo Chema Sierra
Ortigueira, 7 de agosto de 2026. O Concello de Ortigueira, a través da concellaría de Turismo, deseñou unha completa axenda de actividades para celebrar o eclipse solar que terá lugar este mércores, 12 de agosto. A programación está pensada para todos os públicos e combina o coñecemento científico, a divulgación meteorolóxica e o contacto coa natureza a través do patrimonio neolítico do municipio, ofrecendo a veciños e visitantes unha experiencia inesquecible con motivo deste fito astronómico.
A xornada comezará pola mañá cunha serie de obradoiros científicos gratuítos dirixidos a nenos e mozos a partir de tres anos, que se desenvolverán simultaneamente entre as 11:00 e as 13:30 horas na carpa instalada na Alameda. A oferta formativa está adaptada por tramos de idade: o alumnado de educación infantil de 3 a 6 anos gozará de cuacontos e xogos de luz e sombras; os nenos de 6 a 12 anos realizarán diversos experimentos prácticos e participarán nun obradoiro para construír as súas propias gafas de observación; mentres que as persoas maiores de 12 anos traballarán na elaboración dunha maqueta explicativa sobre o funcionamento dos eclipses. Todos os participantes recibirán de forma gratuíta un par de gafas homologadas para a observación segura do fenómeno.
O alcalde de Ortigueira, Valentín Calvín, destaca a transcendencia deste evento manifestando que “queremos que Ortigueira viva este fenómeno astronómico de una forma participativa, educando a las nuevas generaciones e involucrando a toda la ciudadanía en una experiencia histórica que pone en valor nuestro entorno natural”.
Pola tarde, a actividade trasladarase tanto á natureza como ao corazón da vila. Ás 17:30 horas partirá unha ruta de sendeirismo guiada cara á serra da Coriscada, na que os asistentes percorrerán os paraxes próximos a diversos xacementos do Neolítico para culminar a xornada presenciando o eclipse solar desde un punto privilexiado da paisaxe ortegá. Igual que os participantes da mañá, as persoas que realicen a ruta tamén recibirán gafas homologadas para visualizar o eclipse sen ningún tipo de risco. Para participar tanto na camiñada como nos obradoiros da mañá, é necesaria inscrición previa a través da Oficina de Turismo ou mediante o teléfono e WhatsApp 981422089.
Pantalla xigante para ver o eclipse cos comentarios dun experto
De forma paralela, o Concello instalará unha pantalla xigante na carpa da Alameda para retransmitir o eclipse en directo e en tempo real. A emisión comezará ás 16:30 horas con contidos promocionais e informativos do municipio, dando paso ás 19:25 horas á narración especializada do xeógrafo e experto meteorólogo local Chema Sierra, quen comentará a evolución do fenómeno ata as 21:21 horas. A asistencia á carpa para presenciar a retransmisión é totalmente libre e aberta a todo o público, sen necesidade de reserva previa.
Pola súa banda, a concelleira de Turismo, Joaquina Piñeiro, subliñou o atractivo turístico da proposta sinalando que “coordinamos una propuesta accesible y variada que abarca desde la dinamización infantil hasta el turismo activo y la retransmisión en directo, convirtiendo a la Alameda y a la sierra de A Coriscada en epicentros de un evento único que atraerá a cientos de visitantes”.
Como complemento a esta intensa xornada de actividades, o Concello lembra que continúa aberta ao público a exposición divulgativa Eclipses de Sol, que se pode visitar actualmente tanto no claustro do Concello como nos distintos centros sociais das parroquias do municipio.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
