A axencia, con sede en Viveiro, deseñou e desenvolveu a medida o sitio do artista —con obra en trece países e presenza en El País, ABC, RTVE ou o Instituto Cervantes—, demostrando que desde A Mariña se pode realizar un traballo con proxección internacional
Viveiro, 7 de agosto, 2026. O artista visual David Catá, natural de Viveiro, vén de estrear a súa nova páxina web: davidcata.com. O proxecto foi desenvolvido por Lapriex Digital, un estudo de deseño e desenvolvemento web tamén con sede en Viveiro, que construíu o sitio por completo e a medida.
Catá é un dos creadores galegos con maior proxección internacional. A súa obra —na que borda con agulla e fío, sobre a palma da súa propia man, os rostros das persoas queridas e os paisaxes que o marcaron— foi exposta en trece países e recollida en 84 artigos de medios de nove estados, entre eles El País, ABC, RTVE, La Voz de Galicia, HuffPost ou Daily Mail. A súa serie Horizontes chegou recentemente ao Instituto Cervantes de Río de Janeiro.
A anterior web do artista quedara obsoleta e con fallos, ata o punto de que apenas cargaba a portada. A nova, creada por Lapriex Digital, reúne toda a súa obra a pantalla completa, unha tenda propia, a súa faceta musical, a súa traxectoria e a súa presenza en prensa, dispoñible en dous idiomas (español e inglés) e optimizada para cargar rápido e posicionarse en buscadores.
«Fixónos especial ilusión: David é de Viveiro e o noso estudo está aquí, na Mariña. Ver que desde aquí se pode facer a web dun artista viveirense que triunfa no mundo, sen ter que marchar a unha gran cidade, é xusto o que nos move.»
Yuliia Kot, cofundadora de Lapriex Digital
Detrás de Lapriex Digital está Yuliia Kot, que en 2022 fuxiu da guerra de Ucraína xunto á súa familia e atopou refuxio en Galicia, en A Coruña —unha historia recollida por medios como El Español e La Voz de Galicia. En 2024 instalouse en Viveiro, de onde é a súa parella, e desde A Mariña o seu estudo crea páxinas web, tendas online e software a medida para negocios e creadores da comarca e de toda España. O proxecto de David Catá é unha das súas principais cartas de presentación.
Sobre Lapriex Digital
Lapriex Digital é un estudo de deseño, desenvolvemento web e software a medida con sede en Viveiro (A Mariña). Crea webs, tendas online e aplicacións personalizadas —sen plantillas e con infraestrutura propia— para negocios e creadores, con especial dedicación aos da comarca: Viveiro, Burela, Foz e Ribadeo. Entre os seus traballos hai webs de artistas, comercio, hostalería e turismo, e colabora con Norte22, estudo e axencia creativa da Coruña. Máis información en lapriexdigital.com. Web do artista: davidcata.com.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
