Un ex director médico do Hospital da Costa nomeado director de asistencia sanitaria do SERGAS

O Consello da Xunta de Galicia nomeou hoxe a Félix Rubial Bernárdez (1968) como director de Asistencia Sanitaria do Servizo Galego de Saúde. Rubial, licenciado en medicina e cirurxía, especializouse en medicina preventiva e saúde pública. Iniciouse no complexo Hospitalario Universitario de Santiago de Compostela. Posteriormente desempeñou o cargo de director médico do Hospital da Costa e no complexo hospitalario Xeral Calde; e entre 2005 e 2006 foi subdirector médico no complexo hospitalario universitario da Coruña. Entre 2006 e 2009 foi o director operativo do complexo hospitalario universitario de Santiago de Compostela; e desde 2009 e ata a actualidade exerceu como director médico do complexo hospitalario Xeral-Calde – Hospital Lucus Augusti.