O Náutico de Ribadeo comeza as obras de separación da mariña seca dos pantaláns

Nota de prensa

A VINDEIRA SEMANA DARÁ COMEZO A SEGUNDA FASE DAS OBRAS DE SEPARACIÓN DA MARINA SECA DOS PANTALÁNS QUE HAI NESA ZONA DO PORTO DEPORTIVO, SEGUNDO VEN DE ANUNCIAR MARIO COTO.

Ribadeo, 17 de febreiro de 2012. A vindeira semana dará comezo a segunda fase das obras de separación da marina seca dos pantaláns que hai nesa zona do porto deportivo.

O presidente do Club Náutico de Ribadeo, Mario Coto, sinalou que “a próxima semana empezará o peche interior da marina seca para dar acceso independente aos pantaláns 10, 11, 12 e 13. Así sepárase a zona de traballo da marina seca para que a xente non ande pasando polo medio”. Coto engadiu que “ésta era a fase que quedou pendente por falla de presuposto no seu día. Agora Portos xa a adxudicou e váise facer”.

A xunta directiva do CNR lembra o traballo realizado na zona da marina seca ao longo destes últimos anos, “trasladóuse a grúa de 8 Tm, unha actuación á que xa estaba obrigada a anterior xunta directiva e que requeriu dunha importante inversión para proceder á reparación da mesma; reparación de travelift, reposición de rodas e adecuación á lexislación mediantes as inspeccións pertinentes; instalación dun separador de augas hidrocarburadas e dun punto limpo; aprobación do regulamento de uso da marina seca e control documental das operacións que alí se fan; construcción dunha pasarela de madeira para independizala da zona de traballo e agora remataráse a segunda fase deste proxecto; e adquisición dunha máquina de aspiración de sentinas, homologada para augas hidrocarburadas e augas negras, segundo a lexislación vixente do convenio MARPOL”. Desde a xunta directiva engaden que “todo esto unido á medida de que os socios teñan catro movimentos gratis de izado ou botadura das súas embarcacións… serviu para mellorar a calidade do servizo, para cumprir coa lexislación vixente e para minorar os custes para os socios, sobre todo para os usuarios de travelift para os que supuxo unha rebaixa de 300 a 600 euros ao ano”.

Mario Coto subliñou que “nós seguiremos traballando por e para todos os socios, tanto para os que teñen embarcación como para os que non a teñen”.