Nota de prensa
MARIO COTO ASEGURA QUE A XESTIÓN INDIRECTA DA MARINA SECA PERMITIRÁLLE AO CLUB NÁUTICO DE RIBADEO UNHA MELLOR ADMINISTRACIÓN DOS RECUSOS, SEN QUE RESULTE ONEROSO PARA OS SOCIOS E USUARIOS DESE SERVIZO. MAÑÁ TERÁ LUGAR A APERTURA DE PLICAS.
Ribadeo, 15 de febreiro de 2012. O presidente do Club Náutico de Ribadeo, Mario Coto explica que a xunta directiva do CNR, no exercizo das súas facultades, decidiu que a marina seca sexa xestionada de modo indirecto ao igual que acontece co bar-cafetería. Mañá terá lugar a apertura de plicas a partires das 13 horas nas oficinas da entidade.
Coto sinalou que “dita decisión únicamente está relacionada co cumprimento da lexislación e optimización dos recursos, sobre todo no concerniente ás consecuencias que calquera accidente poder ter para o Club Náutico de Ribadeo nesa zona de traballo. Ademáis as esixencias que nos están a facer desde Portos de Galicia en materia de seguridade e as preceptivas certificacións en sistemas de xestión medioambiental para todos os portos deportivos tamén nos obriga a tomar medidas”. O presidente do CNR sinalou que “adaptar a marina seca ás lexislacións e normativas vixentes require ademáis dunha serie de investimentos un incremento dos medios humáns, cuestións que o Club non podería asumir de xeito eficaz sen recurrir a unha suba xeralizada das taxas e cánones que se perciben de socios e usuarios”. A xestión indirecta da marina seca, mediante un contrato de cesión á empresa que resulte adxudicataria, permitirálle ao CNR unha mellor administración dos recursos “sen que isto resulte oneroso para os socios e usuarios deste servizo, tendo en conta tamén que o custe destes servizos está a ser soportado con cuotas de socios, aproximadamente uns 400 de pleno dereito, que non teñen embarcación e que non poden ser copartícipes dunha xestión deficitaria que implique unha suba das cuotas”.
Mario Coto aludiu á concentración protagonizada hai uns días por un grupo de socios contrarios á adxudicación da xestión da marina seca, “as leis e as normativas están para cumplilas e acatalas. Adoptamos esta decisión e seguiremos para adiante, pase o que pase”.
O presidente do Club Náutico de Ribadeo mantivo onte pola tarde un encontro con dous ex presidentes do CNR, Ernesto Cruzado e José Antonio Ramil, aos que lles explicou os motivos que levaron á directiva do Club Náutico de Ribadeo a iniciar este proceso. Coto tildou de satisfactorio o encontro mantido con Ramil e Cruzado e dixo que serán eles, os ex presidentes do CNR, os que lles teñan que expoñer as conclusións da xuntanza ás voces que se alzaron nos últimos días en contra da adxudicación da xestión da marina seca. Coto considera que “se levantou un revuelo que non facía falta nos últimos días”.
Mañá, 16 de febreiro, ás 13 horas terá lugar a apertura de plicas nas oficinas do Club Náutico de Ribadeo. Despois, ao cabo duns días, a xunta directiva manterá un encontro para analizar as propostas presentadas e para decidir a qué empresa se lle adxudica a xestión da marina seca.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
