A DEPUTACIÓN DE LUGO PUBLICA AS BASES PARA A CONCESIÓN DE SUBVENCIÓNS DENTRO DOS PLANS DE COOPERACIÓN VECIÑAL ANO 2012
Mari Toni Loureiro Gutiérrez
Sª de Organización – Executiva da Agrupación Socialista de Ribadeo
No BOP de 27 de marzo de 2012, a Deputación de Lugo publicou as bases que rexerán a concesión de subvencións a comunidades veciñais, agrupacións ou asociacións de veciños para a realización de obras, establecemento, dotación e ampliación e mellora de servizos de interese veciñal para o ano 2012 dentro do programa de Plans de Cooperación Veciñal.
Ás actuacións que se financian, coinciden coas necesidades detectadas como prioritarias para as comunidades veciñais, son principalmente: pequenos abastecementos de auga potable, saneamentos, pavimentacións, rede de sumidoiros, iluminacións públicas, acondicionamento de camiños rurais, instalación de pequenos repetidores de TV, arranxo de fontes, obras de acondicionamento e arranxo de locais sociais, así como pequenas infraestruturas e adquisición de mobiliario -informático ou similar- para o funcionamento das propias comunidades veciñais, agrupacións ou asociacións de veciños, ou como complemento de áreas recreativas, deportivas e de lecer. Polo contrario, non terán cabida axudas para a adquisición de bens inmobles.
Este plan dotado cun orzamento de 2.000.000 € e en réxime de concorrencia competitiva, permite solicitar axudas ata un máximo de 12.000 € có obxectivo de facer máis obras que contribúan a mellorar a calidade de vida e as condicións de traballo da xente do rural. Este ano presenta como novidades a financiación do 100% do custe das obras que se soliciten por parte das comunidades veciñais e o ofrecemento de asesoramento técnico para a súa execución por parte deste organismo.
O prazo de solicitude estará aberto ata o 30 de abril de 2012, e dende o PSdeG de Ribadeo poñemos a vosa disposición as bases da convocatoria e a documentación necesaria para acceder a subvención a través da páx web www.agrupacionpsoeribadeo.es ou contactando connosco no correo electrónico agrupacionsocialista.ribadeo@gmail.com
Tamén pode atoparse na páxina web da Deputación www.deputacionlugo.org
Remitido
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
