Locais de San Cibrao chegaron a servir 500 racións o día da Festa do Ourizo, aseguran dende o Concello de Cervo

Nota de prensa

A Festa do Ourizo volveu demostrar a súa capacidade de atracción turística

-Algúns locais chegaron a servir 500 racións de ourizo durante a xornada

-O goberno local destaca o potencial dinamizador desta festa para os hostaleiros e a gastronomía local así como o sector turístico e a vila de San Ciprián.

Cervo, 12 de marzo de 2012-A XXI Festa do Ourizo de San Ciprián foi, un ano máis, un éxito de participación segundo o balance feito polo goberno local despois da súa celebración. O día de sol e a temperatura agradable tamén contribuíron a atraer a cervenses, turistas e visitantes ata a vila para gozar desta cita gastronómica de Interese Turístico Galego. Un total de 13 bares e restaurantes prepararon e cociñaron o ourizo durante todo o día e comprobaron como os seus pratos tiñan moi boa acollida. De feito, houbo locais nos que se chegaron a servir unhas 500 racións durante a xornada. “O ambiente festivo respirouse en cada recuncho de San Ciprián, tanto polas rúas como no interior dos establecementos hostaleiros” asegura o alcalde, Alfonso Villares.

Unha festa que volveu demostrar que “ten unha capacidade de atracción turística moi relevante que nos permite potenciar un produto típico, poñer en valor a calidade da nosa gastronomía, a valía dos cociñeiros e hostaleiros locais e, por suposto, dar a coñecer San Ciprián como destino turístico”, engade o rexedor cervense.

Centos de persoas se achegaron ata a vila para degustar as decenas de propostas culinarias dispoñibles. “La amplia variedad de recetas preparadas por los establecimientos tuvieron mucho que ver en el éxito de esta fiesta” asegura a edil de Turismo, Begoña Alonso. De feito, cada local ofreceu numerosos pratos “y cada carta multiplicada por 13 locales participantes dio lugar a un gran abanico de posibilidades para degustar el erizo” engade Alonso.

A vixésimo primeira edición desta festa comezou coas Xornadas Técnicas, inauguradas pola delegada da Xunta en Lugo, Raquel Arias, e clausuradas polo conselleiro de Cultura e Educación, Jesús Vázquez, autoridades que tamén formaron parte do xurado do Concurso Gastronómico. Foron 6 os establecementos que presentaron as súas propostas neste certame, no que concorreron 11 pratos (dous como máximo por local). “La decisión fue difícil y el jurado, después de probarlos todos, necesitó tiempo para deliberar” explica a edil de Turismo, “lo que demuestra la creciente especialización de nuestros hosteleros en la preparación del erizo y su implicación por innovar y sorprender año tras año”.

Os establecementos gañadores foron A Bodega e o Restaurante Buenavista. No caso de A Bodega, as dúas receitas que entraron en concurso resultaron galardoados co primeiro e o terceiro premio. “Ourizo e mar” foi elixido o mellor prato, levando 90 euros de premio e unha figura conmemorativa. “Ovo frito” era a outra proposta deste mesmo local, que conseguiu o terceiro premio consistente en 30 euros e a figura. En canto ao Restaurante Buenavista, o seu “Timbal de bacallau e ourizo” foi distinguido co segundo premio, dotado de 60 euros e unha figura.