O BNG DE FOZ EN CONTRA DO PLAN DE AXUSTE PRESENTADO POLO GOBERNO MUNICIPAL
“O Plan é unha imposición para seguir recortando servizos públicos e beneficiando á banca e as grandes empresas”
Foz, a 31 de marzo de 2012.- O BNG de Foz votou en contra do Plan de Axuste presentado polo goberno municipal en pleno por significar unha hipoteca a longo prazo para o Concello, subindo impostos e taxas, recortando servizos públicos, rebaixando salarios dos empregados/as públicos e eliminando calquera posibilidade de crear emprego.
Para o BNG está claro que o Plan está pensado para que os grandes beneficiarios sexan a banca e as grandes empresas non as pequenas e medianas empresas. Á banca porque farán operacións de crédito a 10 anos cun xuro do 5,5% (ao Concello de Foz suporíalle máis de 600.000 euros de intereses=100 millóns das antigas pesetas) cando o Banco Central Europeo lles acaba de doar un billón de euros ao 1% de interese e ás grandes empresas porque poderán cancelar os seus préstamos bancarios que serán asumidos a través destes plans de axuste polos Concellos, que por outro lado non se lles deixa outra opción invadindo as súas competencias.
O primeiro que chama a atención é desde logo a incapacidade e a irresponsabilidade do grupo de goberno na xestión económica para chegar a xerar unha débeda a provedores, só no ano 2011, de 1.233.365 euros, con 446.000 euros fóra de contabilidade, é dicir, sen créditos orzamentarios. De aí que o BNG volvese a criticar que non se presentaran aínda uns orzamentos a estas alturas de ano adaptados á realidade do Concello de Foz.
O BNG votou en contra deste plan presentado polo alcalde porque está baseado exclusivamente na suba de impostos indirectos que gravan a todos por igual (IBI, taxa da auga, Imposto de vehículos, taxas por escolas deportivas, etc.), recorta salarios dos traballadores/as (redución do complemento de produtividade), conxela a creación de novos empregos cando máis necesarios se fai e anula o investimento público en servizos sociais.
No mesmo pleno o BNG tamén se opuxo á delegación da recadación na Deputación. O Alcalde pretendía que os impostos de IBI, IVTM e IAE (que representan o 93% dos impostos) foran delegados á Deputación cun custe anual para o Concello de 54.322 euros. Para o BNG está proposta mostra a incapacidade e incompetencia deste grupo de goberno en xestionar o Concello e responsabilizarse daquelo para o que se lles elixiu: gobernar. O BNG esixiu do grupo de goberno que fagan funcionar a recadación por vía executiva levando ata as últimas consecuencias o cobro das débedas ( que ascenden a máis de 3.000.000 de euros, a maioría prescritas) e que adianten a recadación dalgún dos tributos a primeiros de ano para resolver a falta de liquidez puntual.
Remitido
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
