Nota de prensa
O CADRO LARANXA TOMBA A IMPLACABILIDADE DO OXIPHARMA (4-1)
Vista Alegre durmirá hoxe co soño apracible de tres valiosos puntos. E é que o cadro laranxa conseguiu desbaratar as quinielas tombando a implacabilidade do líder, Oxipharma Granada, cun xogo serio, rigoroso e efectivo (4-1), ao tradicional estilo burelista. O aliciente era poderoso e moveu montañas; xa o anunciaba Víctor López na previa.
O Burela FS Pescados Rubén tiña as cousas claras, ía a polo partido, e manifestouno dende o momento inicial. A primeira diana chegou nas zapatillas dun activo e acertado Clebinho, no minuto 4. As tentativas mariñás intensificáronse ante a forte defensa granadina. Un dobre lanzamento de Christian, no 7, e un roubo de Víctor López con picada ante Edu, no 8, serviron de antesala para a celebración do 2-0, un minuto antes de cumprirse o ecuador da primeira parte: Purao, soberbio, subiu a vantaxe no electrónico a pase de André, outro dos grandes loitadores do encontro. Aínda coa ledicia na bancada, Paulinho, de galopada, puido reducir as distancias na primeira ocasión clara do Oxipharma (2-1). Víctor López tivo nos seus pés o 3-1, a catro minutos para o descanso, aínda que desafortunadamente petou no pau.
Con Brais baixo os paus, que reapareceu pouco antes do descanso, o segundo período comezou con máis intensidade, se cabe, por ambas as escuadras. O Mariskal, Juanma, xa avisou ao ex-laranxa Edu aos 2 minutos do reinicio cun lanzamento exterior e, no 24, sen dúbida, subiu o 3-1. Os burelistas tiveron que adaptar o xogo a unha presión realmente asfixiante, que tentaba aproveitar os erros laranxas; no último cuarto, as oportunas intervencións de Brais e a correcta defensa frearon o Granada, que recorreu ao porteiro-xogador, no 35, sen éxito. A falta de pouco máis dun minuto, Juanma sentenciou o resultado a porta baleira (4-1).
Partido pertencente á 23ª xornada da tempada 2011/2012.
CD Burela FS Pescados Rubén
8 Vitorias | 6 Empates | 9 Derrotas
Puntos acumulados: 30 4
Oxipharma FS
16 Vitorias | 3 Empates | 4 Derrotas
Puntos acumulados: 51 1
Cancha de xogo: Pabellón Municipal de Deportes Vista Alegre
Data: Sábado, 17 de Marzo de 2012
Alineacións
CD Burela FS Pescados Rubén
5
Anderson de Almeida Gomes
Purao
7
Carlos Henrique Ribeiro
Ique
8
Juan Manuel Marrube Rodríguez
Juanma
11
Christian Palmeiro Chao
Christian
13
Iago Barro Sánchez
Iago Barro
1
Brais García Pedre
Brais
3
André Luiz Nogueira Fernandes
André
14
Víctor López Real
Víctor
18
Rubén García Freije
Turero
20
Cleber Rafael Barbosa
Clebinho
23
Iago Míguez Expósito
Iago Míguez
Oxipharma FS
1
Eduardo Saavedra Cebreiro
Edu
4
Eugenio Moratilla Cascajero
Uge
6
Juan Jesús Pardo
Juanje
8
Pablo Osuna
Pablo
12
Juan Puertas
Juan Puertas
5
Felipe Yagüe Hernández
Pipe
10
Rafael Martínez Osorio
Rafita
13
Paulo Henrique Roxo
Paulinho
20
Francisco Javier Casquilla Villardeo
Francisco
O partido minuto a minuto
Gol 1 – 0 Min. 4 | Clebinho
Gol 2 – 0 Min. 9 | Purao
Gol 2 – 1 Min. 9 | Paulinho
Tarxeta amarela Min. 16 | Juan Puertas
Gol 3 – 1 Min. 25 | Juanma
Tarxeta amarela Min. 32 | Paulinho
Tarxeta amarela Min. 35 | Iago Barro
Gol 4 – 1 Min. 38 | Juanma
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
