O Concello de Foz anuncia o inicio de obras no rural con cargo ao Plan Estratéxico da Xunta

Nota de prensa:

O Concelleiro de Obras, Medio Rural e Pesca do Concello de Foz , Pedro Fernández Manín, ven de anunciar que xa se están a realizando os proxectos das obras que con cargo o Plan Estratéxico de Infraestruturas no Medio Rural (PEIM), se van a levar a cabo no concello .

Fernández Manín sinalou que as obras a executar constaran de limpeza e construción de cunetas, adecuación do firme con grava, dúas capas de fixación con asfalto e selado do mesmo. Estas actuacións levaranse a cabo na Parroquia de Santa Cilla a Pista de Carín na súa totalidade, na parroquia de Nois as pistas de Espiñeiro, a do Salgueiral, a do Outeiro desde p.km. 0,400 ata o final en Lamallada e 0,100 km. na subida que vai a Brea, na Parroquia de Cordido a pista que vai da igrexa a que une Ferradas – Calvario, todas elas supoñen unha lonxitude total de 1,2 Km. e se van a inverter un total de 57.400,00 euros. . Este importe corresponde o convenio que o Ministerio de Medio Ambiente e Mariño había asinado coa Xunta de Galicia no ano 2009 , e que o anterior Goberno Socialista había incumprido .

Estas actuacións do programa de pequenas infraestruturas están financiadas na súa totalidade polo Ministerio de Agricultura do novo Goberno central, a través da Consellería de Medio Rural e Mar. Fernández Manín tamén sinalou que o importe do convenio que correspondía a Xunta de Galicia xa se había realizado en tempo e forma, nas diferentes anualidades».