Jose Manuel Balseiro defende un cambio de modelo no aproveitamento pesqueiro dos caladoiros en augas comunitarias a acadar no proceso de inminente reforma da Política Pesqueira Común
O PARLAMENTO DE GALICIA APROBA A INICIATIVA DO GRUPO POPULAR QUE PIDE Á UNIÓN EUROPEA O CAMBIO DO ACTUAL SISTEMA DE REPARTO PESQUEIRO BASEADO NOS TAC´s E COUTAS
A iniciativa insta á Xunta a desenvolver “todas as medidas políticas, xurídicas e incluso xudiciais” para reformular a aplicación da estabilidade relativa o que contribuiría a unha maior defensa dos intereses da nosa flota.
A iniciativa, que contou co voto favorable do PP e ningún voto en contra, foi rexeitada en cambio na Deputación de Lugo, o que amosa un proceder contraditorio das forzas da oposición.
Santiago, 28 de marzo de 2012.- O Parlamento de Galicia vén de aprobar na mañá de hoxe a iniciativa promovida polo voceiro do Mar do Grupo Popular, Jose Manuel Balseiro, na que se pide á Unión Europea un cambio no actual sistema de reparto das posibilidades de pesca entre a flota comunitaria, isto é, o coñecido como sistema de TAC´s (Totais Admisibles de Capturas) e cotas.
O voceiro do Mar dos populares galegos defendía que se reformulara o mecanismo coñecido como de estabilidade relativa a través do que se realiza un reparto automático das posibilidades de pesca por países, especies e zonas, ao entender que a práctica ten demostrado que é “discriminatorio para a nosa flota e dá lugar a cotas pesqueiras sempre insuficientes e, polo tanto, ao cese anticipado da actividade pesqueira”.
A Cámara galega fai seus os argumentos defendidos por Jose Manuel Balseiro e prospera un acordo parlamentario que consta de dous puntos: No primeiro deles pide á Xunta de Galicia que elabore un estudo xurídico e socio-económico en relación coa incidencia que no conxunto da flota pesqueira galega tería o mantemento do mecanismo de estabilidade relativa.
En segundo lugar, o Parlamento de Galicia insta ao Goberno galego a desenvolver “todas as medidas políticas, xurídicas e incluso xudicias” que estime axeitadas para conseguir a reformulación do actual mecanismo de reparto.
A reformulación do principio de estabilidade relativa e, polo tanto, o establecemento dun novo sistema de reparto das posibilidades de pesca nos caladoiros comunitarios une a administracións, partidos políticos e sector. Unha ampla maioría -cuxo parecer defende tamén a Consellería do Mar- é partidaria de que se substitúa o sistema actual por un modelo baseado no esforzo pesqueiro e no libre intercambio de posibilidades de pesca entre países e empresas da Unión Europea.
Tal e como explicou o voceiro popular do Mar esta petición se formula xusto no momento decisivo no que se debate a reforma da Política Pesqueira Común. A idea é lograr incluír na futura normativa comunitaria fórmulas máis acaídas para os intereses de Galicia.
OPOSICIÓN COTRADITORIA
Jose Manuel Balseiro quixo, finalmente salientar a incoherencia dos partidos da oposición. Mentres que no Parlamento de Galicia a iniciativa prosperou co voto favorable do PP e ningún voto en contra, na Deputación de Lugo, gobernada polas forzas do bipartito, rexeitaron este mesmo acordo. O comportamento contraditorio dá lugar a pensar que non existe nos partidos da oposición unha idea clara na defensa daquelas cuestións que máis interesan á flota galega ou, canto menos, que os representantes da Deputación lucense non estan pola labor de poñerse ao carón do sector pesqueiro galego.
Remirtido
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
