SORTEÁRONSE OS EMPARELLAMENTOS DA XXIX COPA DEPUTACIÓN DE LUGO DE FÚTBOL
Antonio Veiga destacou que “mantemos o mesmo orzamento e os mesmos premios có ano pasado, o que significa un esforzo moi grande tendo en conta os recortes orzamentarios”
Este ano tamén se disputa a IV Copa Deputación de Fútbol Feminina con semifinais e final entre os 4 equipos da provincia
Lugo, 31 de marzo de 2012. O vicepresidente da Deputación de Lugo e responsábel das Áreas de Benestar Social e Deporte, o nacionalista Antonio Veiga, xunto a Carlos Mouriz, delegado da Federación Galega de Fútbol en Lugo, presentaron esta mañá no Pazo de San Marcos diante dos representantes dos clubs de fútbol da provincia o sorteo de emparellamentos da XXIX Copa Deputación de Lugo de Fútbol.
Segundo destacou na súa intervención Antonio Veiga, nunhas palabras que tamén referendou posteriormente o delegado da Federación Galega de Fútbol Carlos Mouriz, “mantemos para esta edición da Copa Deputación o mesmo orzamento e os mesmos premios có ano pasado, como tamén se mantén a mesma cantidade -500.000 euros- para apoiar na liña de subvencións en concorrencia competitiva (cuxo prazo de presentación remata a vindeira semana) aos clubs deportivos lucenses, o que significa facer un esforzo económico moi grande tendo en conta os recortes orzamentarios que todas as administracións estamos a sufrir”. Antonio Veiga tamén resaltou a “colaboración e a predisposición” de todos e cada un dos clubs que participan no campionato e a coordinación da Federación de Fútbol, e manifestou a súa satisfacción porque os afeccionados lucenses poidan desfrutar dun torneo realmente competitivo. Ademais, desde o 2008 ten lugar a Supercopa Deputación de Fútbol, disputada entre o equipo campión das categorías 1 ª Autonómica e Preferente Autonómica, 2ª e 3ª Autonómica, e a Sociedade Deportiva de Lugo nun partido triangular.
Nesta edición da Copa Deputación de Fútbol participan o total dos equipos lucenses desde 3ª Autonómica a Preferente Autonómica (con só un par de casos de equipos que ao final renunciaron a participar), e os emparellamentos realizáronse por sorteo puro, como vén sendo habitual, no caso de 1ª e Preferente Autonómica, e por proximidade no caso da 2ª e a 3ª autonómica.
A Copa Deputación feminina, por primeira vez nesta cuarta edición que se celebra, ao contar con catro equipos participantes da provincia (a totalidade) disputarase con dúas semifinais entre Peluquería Mixta Friol e Monteforte, e Milagrosa-Chantada, con horarios aínda por determinar pero cuxa final previsiblemente se xogará o mesmo día que a final de 1ª Autonómica e Preferente.
Para a posta en marcha desta última edición da Copa Deputación, a Área de Deportes da Deputación conta cun orzamento semellante ao do ano pasado de case 90.000 euros. Dos clubs deportivos participantes no trofeo, o campión e subcampión da categoría 1ª Autonómica e Preferente Autonómica, será premiado con 5.000 e 4.000 euros respectivamente. Ademais, cada equipo recibirá 450 euros por partido xogado. En 2º e 3º Autonómica, os premios alcanzarán os 4.000 e os 3.000 euros, e os clubs percibirán 385 euros por partido disputado.
Remitido
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
