O Goberno bipartito da Deputación de Lugo vén de converterse en protagonista dun dos feitos máis deshonrosos e infames desde o punto de vista político que forman parte da actualidade destes días. Isto é así despois de que, na última sesión plenaria da institución provincial, socialistas e nacionalistas rexeitaran colaborar coa Xunta de Galicia na posta en marcha dun novo sistema de distribución de peixe e marisco entre os comedores sociais e cociñas económicas da nosa provincia.
O Partido Popular, tanto no Parlamento galego como na Deputación lucense, promovía unha iniciativa para que as distintas administracións uniran os seus esforzos de cara a colaborar con estas institucións benéficas que se encargan de algo tan básico como proporcionar un prato de comida para aquelas persoas que, polas súas circunstancias económicas, se vén na necesidade de acudir a estes comedores sociais.
Desde o PP conscientes da actual situación económica -que non provocamos nós, pero que si ten moito que ver coa nefasta xestión de socialistas e nacionalistas desde as súas anteriores responsabilidades de goberno- quixemos promover dun xeito construtivo esta iniciativa cun claro obxectivo: aproveitar o peixe e marisco procedente dos comisos aos furtivos e dos descartes pesqueiros, e destinalo a estes comedores sociais.
Ata o momento o peixe e marisco requisado aos furtivos era distribuídos, en exclusiva, entre as entidades benéficas dos concellos do litoral. A nosa proposta buscaba que a Deputación colaborase coa Xunta para ampliar o número de beneficiarios e que tamén puideran chegar non só aos concellos da costa senón tamén aos comedores sociais e cociñas económicas que hai no interior, no conxunto da provincia. Ao mesmo tempo, o PP pedía a implicación da Xunta e Deputación para sumar a estes produtos requisados os procedentes dos descartes pesqueiros, isto é, aqueles peixes e mariscos que aparece nas redes e aparellos dos nosos barcos pero que teñen que ser devoltos ao mar cando se ten superado o límite de capturas permitidas.
Co seu comportamento socialistas e nacionalistas están a dar mostra non só dun elevado grado de sectarismo político -incapaces de aprobar as iniciativas polo simple feito de que as propón o PP- pero tamén, o que aínda é máis grave, poñen de relevo a súa total insensibilidade fronte a todas aquelas persoas que están a pasalo mal, como consecuencia da actual situación de crise. O Goberno bipartito provincial prefire tirar o peixe ao lixo, ou devolver peixe morto ao mar, antes de sumar a súa colaboración coa Xunta para que estes alimentos poidan ser aproveitados nos comedores sociais e cociñas económicas da nosa provincia. Así de claro. Así de triste.
Jose Manuel Balseiro Orol
Voceiro do Mar do Grupo Parlamentario Popular
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
