RAQUEL ARIAS COMPARTE COS ALUMNOS DO COLEXIO DE RIOTORTO AS ACTIVIDADES DA CAMPAÑA DE SAÚDE “PONLLE AS PILAS AO TEU BOCATA”
? A delegada territorial subliña o dobre obxectivo do programa: Fomentar hábitos de alimentación saudables e promover o consumo de produtos do mar en conserva
? Máis de 300 nenos e nenas participan nesta iniciativa en cinco concellos da provincia
Lugo, 18 de abril de 2012.- A delegada territorial da Xunta, Raquel Arias, compartiu hoxe cos alumnos e alumnas do Centro de Educación Infantil e Primaria (CEIP) de Riotorto as actividades enmarcadas na campaña Ponlle as pilas ao teu bocata, que promove a Consellería do Medio Rural e do Mar e conta coa colaboración das Consellerías de Educación e Sanidade.
A delegada destacou que esta campaña persegue un dobre obxectivo xa que, á vez que serve para impulsar unha das actividades económicas máis importantes en Galicia, como é a pesca e a industria conserveira, fomenta hábitos saudables de alimentación.
Arias participou xunto cos nenos e nenas na elaboración de bocadillos nos que o ingrediente básico foron as xoubiñas, mexillóns ou bonito, xunto con leituga, tomates, cenorias e outros complementos. Cada alumno fai o seu bocata mesturando os alimentos ao seu gusto. Así mesmo, os monitores da actividade imparten unha charla na que explican de xeito didáctico os beneficios que presentan os produtos do mar en conserva.
A campaña chegará a 323 alumnos da cinco concellos da provincia. Deu comezo o luns no colexio Uxío Novoneira de Pedrafita; mañá xoves visitará o colexio número 1 de Foz, e o venres estará no colexio Juan Rey de Lourenzá. Proximamente recalará no Lois Tobío de Viveiro.
Raquel Arias subliñou “o alcance desta campaña, orientada ao público infantil e levada a cabo en centros escolares entre alumnos e alumnas de terceiro, cuarto e quinto curso de primaria”. A idea, apunta, “é ir concienciando aos máis pequenos de que o que comen cada día terá repercusións sobre a súa saúde e estado físico”.
A delegada invitou aos escolares, así como a pais e nais, a achegarse á páxina web da campaña (ponlleaspilasaoteubocata.com), na que atoparán multitude de recursos lúdicos e didácticos en torno a esta iniciativa, como xogos, receitas, consellos de preparación e, por suposto, información sobre as propiedades dos bocadillos propostos –cantidade de calorías, proteínas, glúcidos…-.
Este proxecto, explicou Arias, pretende “que os máis cativos coñezan que poden optar por bocadillos saborosos, sans e nutritivos baseados en conservas de peixe e moluscos fronte á alternativas máis calóricas e prexudiciais”.
Para reforzar esta mensaxe, cada alumno recibirá como agasallo unha gorra e un receitario. Así mesmo, poden participar nun concurso no que se premiará a receita máis creativa baseada en conservas de peixe.
Na actividade participou tamén o xefe de coordinación da Área do Mar da Delegación Territorial, Pablo Fernández Asensio.
Remitido
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
