ANTE AS CRÍTICAS DO PP SOBRE A XESTIÓN DAS RESERVAS
DA BIOSFERA, A DEPUTACIÓN INFORMA:
1.- O PP está mostrando unha absoluta falta de información, ó mesturar dúas cuestións totalmente diferentes: unha cousa son os programas propios da Deputación de carácter medioambiental postos en marcha hai 3 anos con fondos europeos, que a día de hoxe se seguen desenvolvendo, e outra, a participación dos Concellos na xestión das Reservas Terras do Miño e Os Ancares Lucenses.
2.- Neste senso, e debido ó interese da Deputación en impulsalas Reservas e abrir a súa xestión á participación de Concellos e cidadanía, o pasado 16 de novembro, o organismo provincial constituíu os Órganos de Xestión destes espazos protexidos, converténdose nunha das primeiras administracións de Galicia en dar este paso.
3.- Por medio dun proceso transparente e integrador, foron invitados a adherirse todos os Alcaldes, xunto ó Ministerio de Medio Ambiente e a Xunta de Galicia, así como colectivos sociais destes territorios. Todas as invitacións, sen excepcións, foron enviadas a través dos Rexistros Oficiais correspondentes.
4.- A pesar diso, 2 Alcaldes do PP declinaron a invitación e 7 tamén populares non acudiron aínda que tiñan confirmada a súa asistencia á reunión constitutiva do órgano de participación. En canto á Xunta, tampouco respondeu á chamada da Deputación para formar parte destes entes de dirección das Reservas.
5.- As restantes entidades locais, o Ministerio, os tres grupos políticos provinciais (PSOE, BNG e PP) e 16 colectivos sociais pasaron a ter voz na toma de decisións sobre as estratexias de conservación e desenvolvemento das Reservas ó integrarse nos Órganos de Xestión. De tódolos xeitos, a institución luguesa deixou aberta a posibilidade de incorporarse ós Concellos que non o fixeron no seu día, así como á Xunta.
6.- Fronte a esta actitude dilixente e integradora que a Deputación levou a cabo no referido ás Reservas da súa responsabilidade, na de Río Eo, Oscos e Terras de Burón, da que son máximos responsables a Xunta de Galicia e o Principado de Asturias, seguen sen constituírse os Órganos de Xestión. De feito, incumpriron o prazo máximo establecido pola UNESCO para facelo, que fixaba o 31 de decembro de 2011 para ter constituída a estrutura directiva.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
