A XUNTA RESTAURA CON TÉCNICAS DE BIOENXEÑERÍA MÁIS DE DOUS QUILÓMETROS DO RÍO FERREIRA, EN ALFOZ
Trátase dunha actuación de restauración para recuperar a morfoloxía fluvial deste treito do río, afectado polas crecidas dos últimos anos no norte de Lugo
Para a mellora deste treito fluvial empréganse biorrollos de fibra de coco ou entramados de ramas
A Consellería de Medio Ambiente executa esta actuación que implica un investimento de 20.000 euros
Santiago, 5 de abril de 2012.- A Consellería de Medio Ambiente, Territorio e Infraestruturas está a executar unha actuación de limpeza e mellora do río Ferreira, no Concello de Alfoz, no lugar de Penido- Candaedao na parroquia de San Pedro de Mor, o que se traduce na primeira das actuacións de limpezas de río que se inscriben dentro do novo contrato de mantemento, conservación e mellora do dominio público hidráulico nas bacías de Galicia Costa, no ámbito territorial da zona de Galicia Norte e as súas zonas de acceso e protección.
Esta actuación tamén destaca por ser a primeira na que se empregan técnicas novidosas de restauración fluvial e de bioenxeñerías para a recuperación de algo máis de dous quilómetros do río.
Trátase dunha actuación de restauración destinada a recuperar a morfoloxía fluvial dun treito afectado polas crecidas dos últimos anos no norte de Lugo, polo que se traballará sobre as ribeiras afectadas por alteración da vexetación, problemas de erosións e se procederá á retirada de obstáculos.
Así, as técnicas que se están a empregar consisten no estanquilado con material recuperado da propia zona, a recuperación e restauración dun noiro con biorrollos de fibra de coco ou con feixes e entramados de ramas de Salix. Por outra banda, tamén se procederá á recuperación da liña do thalweg (liña que une os puntos de maior profundidade a longo dun curso o cauce de auga), mediante a colocación de deflectores e eliminación de obstáculos.
Para executar os traballos que se están a facer no treito do río ao seu paso polo lugar do Penido-Candaedo, os técnicos empregan un tractor con pluma, unha mini retroexcavadora e un camión. O importe deste traballos, que sufraga Augas de Galicia, elévase a 20.000 euros.
Este sistema empréganse como experiencia piloto, co fin de analizar resultados e posteriormente poder aplicalos noutros leitos con problemas similares.
Contrato de limpeza de ríos 2012-2013
A Consellería de Medio Ambiente, Territorio e Infraestruturas, a través de Augas de Galicia, investirá máis de 2,3 millóns de euros nas limpezas das bacías da zona norte, centro e sur da demarcación hidrográfica de Galicia-Costa para o período 2012-2013. Na zona norte destinaranse 858.785 euros, na zona centro serán 845.933 e na sur 609.704 euros. Os contratos terán unha vixencia de 24 meses.
A inversión prevista supón unha demostración do esforzo que está a realizar a Consellería de Medio Ambiente na conservación e recuperación do entorno fluvial do territorio galego, para así repercutir nun mellor aproveitamento dos lugares de lecer próximos aos ríos por parte dos veciños.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
