Comeza en Cervo a instalación da rede de pluviais que mellorará o saneamento da vila e evitará as enchentes
-As obras complementarán e mellorarán a rede de saneamento que se está executando na localidade
-Trátase dunha modificación do proxecto inicial de saneamento solicitada polo Concello a Augas de Galicia
Cervo, 26 de abril de 2012-Arrincan en Cervo as obras de mellora da rede de saneamento que se está acometendo na vila. Unhas melloras que consisten na instalación de canalizacións de recollida de augas pluviais, separadas das tubaxes de saneamento, no treito que vai dende a fonte de San Roque ata o río, e no que se colocarán máis de 150 metros lineais de tubaxes. Trátase dunha actuación que non estaba prevista no proxecto inicial do saneamento e, por tanto, responde a unha modificación posterior, neste caso solicitada polo Concello a Augas de Galicia.
“Pedimos esta mellora co obxectivo de evitar as enchentes que se teñen producido na zona cando se rexistran chuvias moi fortes” explica o alcalde, Alfonso Villares, que se achegou ata a zona para comprobar o desenvolvemento dos traballos xunto con técnicos municipais e de Augas de Galicia. “Canalizando as pluviais a través dunha tubaxe independente e que só recolle auga da chuvia conséguese minimizar o perigo de inundacións” engade o rexedor.
O Concello de Cervo pide comprensión á veciñanza que teña que circular pola rúa que discorre pola zona de actuación, xa que nos dous ou tres próximos días permanecerá cortada ao tráfico para a execución das obras. “As molestias que se podan causar nestes días veranse compensadas unha vez que as obras estean rematadas e a rede de pluviais faga a súa función” asegura Villares.
O mandatario cervense explica ademais que o goberno local estaba agardando a poder acometer as obras da rede de pluviais para posteriormente aglomerar a vía. Pero para poder iniciar os traballos era necesario contar co visto e prace de Augas de Galicia á modificación do proxecto. Agora, coas melloras autorizadas, as obras están en marcha e en canto finalicen os traballos de colocación das tubaxes de pluviais “procederase á reposición inmediata do firme” asegura o rexedor.
Estes traballos de instalación da rede de pluviais veñen a complementar e mellorar a rede de saneamento que se está executando en Cervo, e cuxas obras estarán rematadas previsiblemente este verán.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
