TÉCNICOS DE PATRIMONIO E DO CONCELLO REUNIRÁNSE O XOVES EN SANTIAGO PARA TENTAR CONCILIAR AS DIRECTRICES DESA DIRECCIÓN XERAL COAS LIÑAS BÁSICAS DO PXOM E COS INTERESES LEXÍTIMOS DOS VECIÑOS. GONZÁLEZ BARCIA CONSIDERA QUE O PLAN É UN INSTRUMENTO PRECISO E NECESARIO “SI QUEREMOS DOTAR A BURELA DE MÁIS E MELLORES SERVIZOS”.
Burela, 17 de abril de 2012. Técnicos de Patrimonio e do Concello de Burela manterán un encontro o vindeiro xoves, 19 de abril, en Santiago co obxectivo de conciliar as directrices desta Dirección Xeral coas liñas básicas do PXOM e cos intereses lexítimos dos cidadáns de Burela. Hoxe, o alcalde, José María González Barcia, reuníuse coa director xeral de Patrimonio tamén na capital de Galicia.
O rexedor indicou que “esta reunión foi continuación dunha anterior na que empezamos a abrir o camiño. Hai que destacar que hai espíritu de colaboración entre a Dirección Xeral de Patrimonio e o Concello de Burela. Hoxe xa quedou fixada outra reunión entre técnicos de Patrimonio e do Concello, que se vai celebrar en Santiago o vindeiro xoves, 19 de abril, e á que asistirá o primeiro tenente de alcalde e concelleiro de Urbanismo, Manuel Fernández Valle”. González Barcia considera que “seguramente ésta non será a última, é moi probable que teñamos que ter outra e o que imos facer é, dentro do marco normativo que temos actualmente, tentar conciliar as directrices de Patrimonio coas liñas básicas do PXOM e tamén con aqueles intereses lexítimos dos cidadáns de Burela, que poidan sentirse dalgún xeito afectados polas devanditas directrices de Patrimonio, sempre e cando se enmarquen dentro da legalidade vixente”.
O alcalde de Burela asegurou que “estamos no bó camiño e todo esto forma parte da liña de actuación que o equipo de goberno tiña perfilada de cara á aprobación do PXOM. Reitero que Burela precisa dun plan xeral exactamente igual que estamos precisando desta auga que hoxe está caendo. Un concello sen plan xeral coa superficie que temos, cos servizos que temos… é un concello que anda literalmente coxo e si queremos dotar a Burela de máis e mellores servizos non cabe a menor duda que o plan xeral é un instrumento preciso e necesario”.
Informe vinculante
Para José María González Barcia “vánse cumprindo prazos, onte recibimos o primeiro informe emitido por unha administración que lle afecta ao plan xeral. Trátase dun informe vinculante emitido pola Dirección General de Ferrocarriles do Ministerio de Fomento. Dito informe é favorable, salvo dúas ou tres cuestións de moi escasa importancia, ao documento aprobado inicialmente hai mes e medio. A partires de agora é lóxico que nos vaian chegando informes e quero reiterarlles aos cidadáns que o plan xeral estará exposto ata o vindeiro 8 de maio, co que terán tempo para presentar as alegacións que consideren oportunas”.
O rexedor dixo que “ditas alegacións, si se axustan á normativa vixente, o Concello mostraráse favorable á súa inclusión de cara á aprobación provisional do PXOM, como non podía ser doutro xeito. Nós entendemos o período de exposición pública parte, xa non só como algo de imperativo legal que hai que facer, é dicir o Concello ten a obrigación de expoñer o plan durante dous meses, senón que parte dunha filosofía xa que as aportacións que poidan facer os cidadáns poden e deben ser tidas en conta para enriquecer e mellorar o plan”. Barcia engadiu que “non hai ningún plan perfecto ao cen por cen, calquera documento que se faga é incompleto e imperfecto, pero no caso que nos ocupa entendemos que as aportacións da xente poden enriquecelo, melloralo e incluso poden facernos ver algúns fallos que puidera haber na propia redacción do plan. E iso o único ao que nos leva é a mellorar o documento que temos na actualidade co obxectivo de facelo útil para os intereses xerais dos veciños deste concello”.
Remitido
Remitido
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
