Candia asegura que a Xunta continuará co financiamento de axuda no fogar e pídelle á Deputación coordinación para acadar maior eficacia e rendibilidade dos recursos
A voceira do Partido Popular nega as afirmacións verquidas polo grupo de goberno da Deputación nas que acusan ao organismo autonómico de deixar sen prestación dentro do programa Axuda no Fogar a un alto número de veciños da provincia de Lugo
Lugo- 9-04-2012 A portavoz do Partido Popular na Deputación de Lugo, Elena Candia, nega as acusacións do goberno provincial nas que denuncian que a Xunta de Galicia deixará sen prestación dentro do programa de Axuda no Fogar (SAF) a máis de 30.000 persoas da provincia de Lugo. Candia asegura que estas declaracións referentes ao novo decreto publicado o pasado 30 de marzo no DOG sobre os servicios sociais comunitarios desvirtúan a realidade e salienta que a Consellería de Traballo e Benestar non deixará de financiar a ningún concello.
Candia explica que en concreto, segundo esta normativa que modifica o que antes se coñecía como plan concertado, a Xunta de Galicia financiará o SAF dependencia e os traballadores sociais (os profesionais de referencia) dos concellos de Galicia e en concreto, da provincia de Lugo. A maiores, nos casos de concellos que teñan máis de 20.000 habitantes a administración autonómica financiaralles tamén o servizo de axuda no fogar (isto é para non dependentes) e o resto de persoal de servizos sociais (aquel persoal que non sexa traballador social).
A popular asegura que o goberno da Deputación está a desvirtuar a realidade e explica que este decreto buscar mellorar e axilizar o financiamento destes servicios sociais. Segundo explica a portavoz provincial, a asistencia de axuda no fogar básica é de competencia municipal e a Lei de Administración local e de Servizos Sociais, que se desenvolven con este decreto, establece que as Deputacións deben colaborar económicamente e prestar asistencia técnica aos concellos, especialmente aos de menos de 20.000 habitantes. Polo tanto, o novo decreto establece que os organismos provinciais apoiarán principalmente o financiamento do SAF básico e do resto de persoal; mentres que a Xunta centrarase no SAF dependencia e nas nóminas dos traballadores sociais.
Ante estas competencias propias das administracións provinciais, a portavoz provincial pídelle ao organismo lucense colaboración e coordinación coa Xunta de Galicia e cos entes locais para acadar así unha maior eficacia e rendibilidade dos recursos. Candia critica que o goberno da Deputación actúe sen consensuar proxectos e iniciativas que permitirían en época de reducción orzamentaria, optimizar os resultados obtidos con menor financiación e principalmente en áreas nas que non dispoñen de estudos ou outros instrumentos que permitan tomar decisións produtivas.
Pola tanto, Candia nega que a Xunta de Galicia deixe o financiamento destes servizos con cargo as arcas dos propios municipios, senón que é a Deputación debe colaborar en consenso, tal e como establece a lei 5/1997, do 22 de xullo, da Administración local de Galicia, e a Lei 13/2008 de servizos sociais de Galicia. Segundo denuncia a portavoz local, o papel dunha Deputación para optimizar os recursos non se debe basear en tomar decisións por libre, como é a promesa da creación de residencias, sen contar co apoio de ningunha administración. Candia explica que a optimación dos bens públicos nunha área conséguese ao traballar en consenso e esta coordinación e indiscutible e necesaria en época de crise económica.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
