EcoGal reclama un novo impulso democrático cun modelo de xefatura de estado
republicano
O armazón político-institucional saído da transición denótase
esgotado requeríndose un novo impulso democrático
EcoGaleguistas entende que estamos nun momento idóneo para
superar o modelo monárquico e facer a transición á República
Nos últimos tempos son moitas as sinais que indican que o modelo políticoinstitucional
saído da transición está esgotado: A falla de solucións aos grandes
problemas que ten a cidadanía; os casos de institucións inservibles, como as
deputacións, ou baleiras de contido, coma o senado; o crecemento transversal
dos casos de corrupción política e económica; o proceso de recorte no estado
de benestar; os intentos de recentralización e a imposibilidade xurídica para ir
máis aló nos procesos de autogoberno, tal como se aomosou coa sentencia do
Estatut de Catalunya…, levan a unha desafección cada vez máis grande da
cidadanía respecto da política que só se resolvería cun proceso de reformas
constitucionais de impulso democrático.
O xurdimento de ramalazos autoritarios, a tendencia a restrinxir dereitos e
liberdades ou atemorizar á cidadanía coa cultura do medo, son elementos
preocupantes nun momento de transición onde o que, pola contra, debería
florecer o republicanismo cívico e cidadá, o espíritu ilustrado, a laicidade, as
virtudes cívicas do Ben Común, constituíndo todos eles o mínimo común
denominador para vivir nunha sociedade democrática: a ética de mínimos, a
radicalidade democrática.
A constitución actual e o marco xuridico xurdido dela foron aprobados nun
momento de fortes presións e posibilidades involutivas que condicionaron a súa
letra, condicións que hoxe non existen. Por outra banda, máis do 70% da
poboación, por motivos de idade, non tivo a ocasión de participar na votación
da constitución e do estatuto actualmente vixente.
Estes xa son de por sí dous factores de suficiente relevancia a ter en conta.
Por outra banda, os recentes acontecementos ocorridos e que afectan á Casa
Real, ‘caso Urdangarin’ ou ‘Cacería en Botswana’, pasarían desapercebidos
noutro momento ou simplemente silenciaríanse. Hoxe isto non ocorre porque
tamén a Coroa, que noutro momento tiña aceptación social maioritaria entre a
poboación, non se libra tampouco desta desafección política, á que ademais,
non é allea.
Ademais actividades como a caza de elefantes teñen unha carga simbolica e
ética fortisima na xefatura dun estado moderno e democrático que deberia
estar preocupado polo medio ambiente e o respecto aos dereitos dos seres
humanos e non humanos.
É por iso que hoxe vivimos o momento dun novo impulso democrático onde
tamén se plantee o tránsito cara unha fórmula de xefatura do estado
republicana acorde co século XXI que, inevitablemente e por sentido común,
vai ser da cidadanía, parellamente a ‘agradecer os servizos prestados’ por
Juan Carlos I neste etapa política.
+ Info: www.ecogaleguistas.org
Remitido
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
