A CONSELLERÍA DE EDUCACIÓN INVISTE ESTE ANO PRETO DE 700.000 EUROS EN OBRAS DE MELLORA NOS CENTROS EDUCATIVOS DA MARIÑA
A delegada territorial da Xunta, Raquel Arias, visitou o colexio Virxe do Carme de Burela, no que veñen de realizarse traballos que afectaron á fachada, ao peche exterior e á calefacción
Arias subliñou que o investimento dos últimos tres anos na reforma de colexios e institutos da comarca alcanza case os 4 millóns de euros
Incidiu no esforzo que realiza a Xunta na modernización das instalacións e dos sistemas de aprendizaxe en aras de incrementar a calidade do ensino en todos os planos
Lugo, 18 de abril de 2012.- A delegada territorial da Xunta, Raquel Arias, visitou hoxe o Centro de Educación Infantil e Primaria (CEIP) Virxe do Carme, de Burela, para comprobar o estado do colexio despois das recentes obras de reforma ás que foi sometido e que supuxeron a mellora de servizos e das instalacións exteriores.
Os traballos, que sumaron un importe de 25.507 euros, consistiron na reparación do peche perimetral da parcela, substitución de dúas caldeiras de calefacción e construción dun porche cuberto no edificio do aulario, obra que contou coa colaboración do concello.
A delegada -que estivo acompañada polo xefe territorial de Educación, José Ramos Ledo, e o alcalde da localidade, José María González Barcia- destacou o esforzo inversor que realiza a Consellería na modernización e mellora das instalacións educativas. Así, afirmou que na comarca da Mariña invístense este ano 694.790 euros en traballos que beneficiarán a 11 colexios e institutos de secundaria.
“O estado das instalacións –afirmou Arias- está directamente relacionado co benestar da comunidade escolar, o que explica a actuación constante da Xunta no seu mantemento e mellora”. Nos últimos tres anos, engadiu, “o orzamento destinado á reforma de centros educativos da Mariña ascende a preto de 4 millóns de euros”.
Polo que respecta ao concello de Burela, nos últimos meses a Consellería de Educación acometeu tamén obras no CEIP Vista Alegre e no Instituto de Educación Secundaria (IES) Perdouro. Neste caso os traballos consistiron na substitución de canlóns no pavillón de mecanizado e alcanzan un custo de 24.197 euros mentres que no colexio procedeuse á reforma dos aseos do alumnado de infantil por importe de 5.786 euros.
Aposta pola calidade
A delegada expresou “o compromiso da Consellería de Cultura, Educación e Ordenación Universitaria co desenvolvemento do sistema educativo en todos os planos”, tanto no que respecta á maior calidade das instalacións como á modernización dos sistemas de ensino.
Nesta liña, lembrou que tanto o IES Perdouro como o de Monte Castelo forman parte dende o pasado curso da rede Abalar, que incorpora a informática ás aulas como ferramenta básica de aprendizaxe. Así mesmo, a Xunta asigna 6.000 euros para o programa de orientación, reforzo e apoio que desenvolve o colexio Virxe do Carme.
Por último, a delegada quixo trasladar ao director do centro, Manuel Fernández Díaz, o seu recoñecemento “polo esforzo e o traballo que cada día realiza a comunidade educativa, desenvolvendo un labor primordial cos cativos e cativas que decidirán o modelo de sociedade cara ao que nos diriximos
Remitido
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
