FC Meigas de Ames 1-5 Panificadora del Eo-Ribadeo FS
As ribadenses conseguiron en Bertamiráns (Santiago de Compostela) a súa cuarta vitoria, dos últimos cinco encontros disputados, derrotando por 1-5 o FC Meigas. Ao descanso o resultado xa era de 0-3 a favor do Panificadora.
As de Martínez non fixeron o seu mellor partido pero foron resolutivas para sumar tres novos puntos. As locais só se achegaron á portería de Antía nos primeiros minutos do partido. Eva inaugurou o marcador para as visitantes no minuto 10 e, cinco minutos máis tarde, Arancha subiu o 0-2 a porta baleira cando o equipo local intentaba atacar con porteira xogadora. O marcador non satisfacía as aspiracións das ribadenses que presionaban moi preto da portería local e, así, a falta de 2.40 para o descanso, Elena anotou o 0-3.
Non transcorrera un minuto da segunda metade, cando Ana conseguiu aumentar a vantaxe das visitantes, con 0-4. A partir dese momento as ribadenses baixaron a defensa á media cancha e dedicáronse a conservar o resultado. O 0-5 chegou no minuto 29 nun tiro afastado de Eva que a porteira local non logrou deter. As santiaguesas conseguiron o seu único tanto por mediación de Katia ao transformar un lanzamento libre de 10 metros cando transcorría o minuto 31. O resto do partido foi un claro dominio visitante dedicándose á conservación do balón.
Na próxima xornada, penúltima da liga e despois do descanso de Semana Santa, as mariñás recibirán o pechacancelas, Mesón Río Ulla, cita na que tratarán de quitarse a espiña da primeira volta, cando o Mesón conseguiu o único punto que ten no seu haber, ao igualar o marcador logo dunha clara vantaxe das ribadenses de 0-3.
O Fisober FSF, equipo de Fisterra, Soneira e Bergantinos, xa é matematicamente campión de Autonómica. As da Costa da Morte representarán a Galicia no campionato de España de clubs. Parabéns polo logro conseguido!
Provincial feminina. En partido aprazado disputado o domingo en Ribadeo, o Xoula asegurou matematicamente o segundo posto de Provincial ao derrotar por 2-0 o Quiroga FSF, un dos rivais directos por esta clasificación. Eva e Elena foron as autoras dos goles na primeira metade, resultado que permanecería inamovible na segunda parte, aínda que o equipo local dispuxo de numerosas ocasións de gol durante todo o encontro. Polo Xoula-Ribadeo xogaron Antía, Ana, Eva, Elvira e Sabela, no cinco inicial, Iria, Elena, Yoli e Carla Bolaños.
Provincial masculina. O Ribadeo finalizou a liga quinto con vitoria por 4-3 sobre o Abadín. Os mariñáns conseguiron desequilibrar o marcador ao seu favor nos últimos momentos do partido.
Ficha técnica
Panificadora del Eo-Ribadeo FS: Antía, Ana (1), Toñi, Elvira e Sabela, cinco inicial; tamén xogaron María, Eva (2), Iria, Elena (1) e Arancha (1).
FC Meigas: Laura, Katia (1), María, Andrea e Raquel, cinco inicial; tamén xogaron Clara, Amanda, Melisa e Antía.
Árbitros: Álvaro Otero Otero e Yayo Pájaro Gómez, da delegación de Santiago. Mostraron cartón amarelo ás locais María e Antía e expulsaron a Amanda por dar unha patada por detrás sen balón polo medio. Polo Panificadora amosaron cartón amarelo a Ana.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
