O alcalde de Cervo asina un convenio co Club Náutico para que a entidade utilice o guindastre do porto
-A través deste convenio o Concello autoriza ao Club Náutico o uso da grúa situada no porto de San Ciprián
-As xestións para que a entidade utilizara a máquina comezaron despois de que o Club Náutico lle transmitira ao Concello o seu interese en aproveitar este recurso
Cervo, 23 de abril de 2012-O alcalde Cervo, Alfonso Villares e o presidente do Club Náutico “Amigos do Mar”, Marcelino Bermúdez, asinaron esta mañá un convenio de colaboración entre o Concello e a entidade que posibilitará a utilización do guindastre do porto de San Ciprián por parte dos socios do Club Náutico. Deste xeito, o goberno local autoriza o uso dun ben de dominio público que ata o de agora se atopaba desaproveitado. A duración do convenio é de 3 anos que poden ser prorrogados.
Os trámites para a utilización pública do guindastre comezaban despois de que o Club Náutico lle trasladara ao Concello o seu interese en aproveitar a grúa para a varada de embarcacións. Deste xeito, o goberno local iniciaba as xestións para facelo posible. En primeiro lugar, o Concello púxose en contacto coa Consellería do Mar, a propietaria da máquina, para pedirlle a cesión do guindastre en beneficio do Concello. O alcalde asinaba o convenio co secretario xeral técnico da Consellería de Medio Rural e do Mar hai ao redor dun mes. Unha vez que a grúa pasou a ser responsabilidade da administración local, o Concello iniciou a segunda fase dos trámites, co obxectivo de autorizar a utilización do guindastre ao Club Náutico “Amigos do Mar”. A sinatura do convenio entre o presidente da entidade e o alcalde pecha os trámites necesarios para a utilización do guindastre.
O mandatario cervense amosouse moi satisfeito de que “os recursos públicos e, neste caso o guindastre, podan ser aproveitados e resulten de utilidade para a veciñanza”, o cal permite “optimizar os esforzos e contribuír ao mellor funcionamento da sociedade” engadiu Villares. “O deber das administracións é poñer todos os recursos públicos ao dispor dos cidadáns”, explica Villares, “e con este convenio garantimos que o guindastre realice a función para a que foi adquirido pola Xunta” remata o rexedor.
Este guindastre telescópico é de funcionamento hidráulico e entre as súas funcións está o apoio na varada das embarcacións así como outros servizos complementarios. A súa capacidade é de 10 toneladas e foi adquirido pola Xunta no ano 2008. A confraría de pescadores foi usuaria da grúa durante un tempo, pero renunciou á súa utilización quedando dende entón sen beneficiario.
Remitido
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
A actividade conta coa colaboración do Concello.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
