FERNANDO SUÁREZ VALOROU DE XEITO MOI POSITIVO A MANIFESTACIÓN CELEBRADA ONTE NA VILA PARA RECLAMAR A CONSTRUCCIÓN DUNHA RESIDENCIA DA TERCEIRA IDADE. O REXEDOR AGARDA QUE A XUNTA TOME BOA NOTA DO ACONTECIDO E RECIBA Á COMISIÓN QUE REIVINDICA ESTA INFRAESTRUCTURA.
Ribadeo, 23 de abril de 2011. O alcalde de Ribadeo, Fernando Suárez, valorou de xeito moi positivo a manifestación celebrada onte na vila para reclamar a construcción dunha residencia da terceira idade. O rexedor dixo que foi unha das máis grandes da historia de Ribadeo e agarda que a Xunta de Galicia tome boa nota do acontecido e reciba á comisión que reivindica esta infraestructura.
O rexedor dixo que “foi unha das manifestacións máis grandes da historia de Ribadeo. Esta concentración de homes e mulleres da vila, das parroquias, do concello e doutros concellos cercanos, que tamén se achegaron aquí, é un exemplo de civismo, de compromiso e de que os que alí estivemos representantes políticos, representantes do pobo, quedou ben claro que antepoñemos os intereses de Ribadeo por enriba de calqueroutro interese político ou partidario”.
Suárez Barcia sinalou que “a pesares da inclemencia do tempo, houbo un momento no que choveu de xeito importante, a chuvia parece que nos fixo máis fortes, dado que non se moveu ninguén en todo ese momento. E iso é unha mostra da evidencia da determinación coa que estamos tomando en Ribadeo a necesidade de ter unha residencia máis grande da que xa temos. Ribadeo é certo que ten unha residencia, pero é moi pequeniña, funciona moi ben, pero é moi pequeniña. Ribadeo ten máis de 10.200 habitantes, ten máis de 800 persoas maiores de 80 anos, e ten máis de 545 persoas maiores de 65 anos que viven soas, polo tanto é unha necesidade. Ribadeo non quere ser máis que ninguén, pero tampouco menos, tal e como dicía onte algún membro da plataforma”.
O alcalde ribadense tamén valorou de xeito moi positivo que “representantes políticos da Deputación Provincial de Lugo estiveran aí para apoiar, pero tamén para evidenciar o seu compromiso. Valoro moito a pancarta na que estivemos todos os portavoces da Corporación Municipal, aínda que non estiveramos todos os concelleiros, pero sí todos os portavoces e valoro que sigamos a traballar cóbado con cóbado”. Fernando Suárez engadiu que “agardamos desde a comisión que a Xunta tome boa nota disto e principie por recibirnos e ao mesmo tempo que Ribadeo forme parte do mapa autonómico de residencias para poder seguir dando pasos e que este punto e seguido que significou a manifestación chegue a ter un compromiso firme en non moito tempo”.
Remitido
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
