poñerá en marcha unha iniciativa dirixida a mulleres para fomentar proxectos de comercio electrónico
O CONCELLO PRETENDE POÑER EN MARCHA UN PROXECTO-PILOTO PARA AXUDARLLES ÁS MULLERES A CREAR UNHA TENDA ONLINE E A PROMOCIONAR OS SEUS PRODUTOS EN INTERNET.
Ribadeo, 27 de abril de 2012. O Concello de Ribadeo, a través das áreas de Desenvolvemento local e Igualdade en colaboración co programa Avanza do Ministerio de Industria e da Xunta, pretende poñer en marcha un proxecto-piloto dirixido a mulleres, co obxectivo de fomentar novos proxectos empresariais baseados no comercio electrónico.
Mariluz Álvarez Lastra, a concelleira de Igualdade, sinalou que “se trata de analizar a posibilidade de crear unha tenda online e promocionar os produtos das mulleres emprendedoras en internet”. O proxecto desenvolvérase en Ribadeo ao longo de 2012 e consta de varias fases, “a primeira é a de formar e capacitar no uso das TICs, en metodoloxías e técnicas en comercio electrónico, en marketing, na área de loxísticas co obxecto de xerar novos proxectos empresariais viables e sostibles. E a segunda é un proceso de asesoramento e seguimento para a posta en marcha de novas formas de negocio baseadas na comercialización de productos a tráves das novas tecnoloxías”.
A edil nacionalista explicou que “a idea é que participen todas aquelas mulleres emprendedoras e desempregadas así coma mulleres en activo que desexen iniciar unha nova actividade ou abrir novos canles de comercialización, baseados no comercio electrónico”. Álvarez Lastra subliñou que “a fase formativa vai dar comezo en breve e é necesario inscribirse. O prazo para participar estará aberto ata o vindeiro xoves, 3 de maio”.
As interesadas en obter máis información poden poñerse en contacto coa Área de Desenvolvemento Local no teléfono 982 128 650 ou na seguinte dirección de correo eléctrico adl@ribadeo.org ou tamén no Centro de Información das Mulleres: 982 120 739 ou cim@ribadeo.org
Remitido
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
