O IES ILLA DE SARÓN DE XOVE ORGANIZA AS PRIMEIRAS XORNADAS SOBRE “EDUCACIÓN NA II REPÚBLICA”
Conscientes do descoñecemento xeral que aínda hoxe en día hai sobre este período histórico, desde este Centro queremos facer un achegamento, aínda que só sexa superficial, a un dos aspectos máis destacados e novedosos daquela época. Para os gobernantes republicanos a educación era a base sobre a que asentar todos os cambios que pretendían levar a cabo na sociedade española, de aí que enfocaran unha grande parte dos seus esforzos a levar adiante unha serie de reformas, parte das cales aínda non se conseguiron desenvolver plenamente na actualidade. Unha educación pública, obrigatoria, gratuíta, activa, laica, bilingüe e solidaria que tentaba terminar con séculos de discriminación por razón de sexo ou de clase social.
Desde o IES Illa de Sarón enfocamos estas xornadas xirando sobre dous eixes básicos:
Por un lado as actividades dirixidas ao alumnado do noso centro, que se desenvolverán en horario lectivo os días 11, 12 e 13 de abril e que consistirán na proxección de dous documentais (“La escuela ocupada” e “Las misiones pedagógicas”) e da película “A lingua das bolboretas”, que servirán de punto de arranque e tema motivador para a realización dunha unidade didáctica elaborada para cada caso por profesorado do Centro.
Por outro lado están as actividades abertas ao público xeral, ás que invitamos a todas as persoas interesadas no tema. Estas actividades, que terán lugar os días 11 e 12 de abril nos locais do Centro, serán as seguintes:
O mércores 11 ás oito da tarde haberá unha sesión de cine-forum na que se proxectará o documental “La escuela fusilada” de Iñaki Pinedo e Daniel Álvarez e a continuación unha charla entre os-as presentes sobre dito documental e en xeral sobre o tema educativo na II República.
O xoves 12, tamén ás oito, o pintor Celso Dourado presentará varios cadros dunha serie dedicada á II República na que está traballando na actualidade. Trátase xa que logo dunha primicia, pois será a primeira vez que estes cadros sexan expostos e explicados polo propio autor.
A continuación, o historiador Carlos Nuevo Cal, cronista oficial de Viveiro, ditará unha conferencia sobre “Mestres e Mestras republicanos na Mariña” á que lle seguirá un coloquio con todas as persoas que asistan ao acto.
Simultaneamente a estes actos no IES Illa de Sarón contaremos coa exposición “La escuela en la II República” cedida pola Fundación FIES de CCOO. Esta exposición, composta por varios paneis nos que se fai un repaso aos aspectos básicos deste tema, poderá visitarse os días 11 e 12 de abril en horario de 16 a 20 horas.
Desde o IES Illa de Sarón reiteramos o noso convite a todas as persoas interesadas neste tema para que compartan con nós estas xornadas e así, entre todos, aprender un pouco máis sobre esta interesante etapa da historia da educación.
Remitido
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
