O voceiro do Mar do Grupo Parlamentario Popular interesouse pola valoración da Consellería de Medio Rural e do Mar respecto da evolución do prezo de peixes e mariscos
O prezo medio en primeira venta dos peixes e mariscos frescos aumentou nun 20% en 2011 respecto de 2009 e permitiu acadar unha facturación de 475 millóns de euros
O secretario xeral do Mar adiantou no Parlamento que “en breve verá a luz un novo e definitivo borrador do decreto de comercialización, que se someterá ao criterio dos eidos transformador, extractivo e comercializador”
Pazo do Hórreo, 20 de abril de 2012.- Juan Maneiro, secretario xeral do Mar respondeu hoxe a preguntas do portavoz popular Jose Manuel Balseiro na Comisión de Pesca do Parlamento de Galicia, que o prezo medio dos peixes e mariscos no 2011 aumentou nun 20% respecto de 2009, permitindo que as máis de 183.000 toneladas descargadas acadaran un valor de facturación de 474,8 millóns de euros.
O secretario xeral de Mar, Juan Maneiro destacou que esta tendencia positiva de evolución dos prezos medios indica que a acción comercial do Goberno autonómico sobre os nosos produtos “vai polo bo camiño, polo que se seguirá apostando por continuar coas medidas de promoción como por exemplo, a asistencia a feiras”.
Neste sentido, segundo adiantou o secretario xeral, “en breve verá a luz un novo e definitivo borrador do decreto de comercialización, que se someterá ao criterio dos eidos transformador, extractivo e comercializador, xa que as súas achegas mellorarán e adecuarán o texto de forma importante”.
Ademais, Juan Maneiro, salientou o interese crecente das empresas de comercialización e transformación por acudir ás feiras e lembrou que a vindeira semana a Xunta estará presente na feira Seafood de Bruxelas, unha das máis importantes a nivel europeo e mundial no ámbito dos produtos do mar.
O secretario xeral tamén fixo referencia aos resultados acadados na acreditación de peixe e marisco coa marca de calidade PescadeRías, pasando de menos de 2.500 toneladas certificadas no 2009, a casi 4.000 no 2010 e preto de 5.000 no 2011, “multiplicándose por máis de dous a cifra de toneladas certificadas”. Así e todo, Maneiro apelou á prudencia e indicou que malia que os datos son optimistas, a Xunta seguirá traballando de xeito constante en afianzar o valor dos produtos do mar de Galicia para continuar avanzando neste reto.
Jose Manuel Balseiro fixo unha valoración positiva destes datos, aínda que sen triunfalimos polos retos que quedan por diante . O deputado popular sinala que pescar é importante pero tan importante como pescar moito é vender ben e que se comercialice este peixe. Balseiro insiste en valorar positivamente o incremento do prezo do peixe en fresco a pesares das dificultades económicas e momentos de crise e finalmente amosou a súa ledicia porque o secretario xeral da do Mar confirme que se está traballando nun decreto de comercialización tal e como viña pedindo o PP para fortalecer esta evolución positiva
Remitido
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
