O EQUIPO DE GOBERNO CONSIDERA QUE NEVES CANDO NON SE ENTEROU DO QUE SE FACÍA CO PXOM DURANTE O BIPARTITO. OS POPULARES LEMBRAN QUE FOI O GOBERNO DE ZAPATERO QUEN DEFINIU O TRAZADO DO CORREDOR BARREIROS-SAN CIBRAO E AFIRMAN QUE O CATÁLOGO DE PATRIMONIO EXISTENTE NO CONCELLO DATA DA PRIMAVERA DE 2009.
Burela, a 20 de abril de 2012. O equipo de goberno no Concello de Burela manifestou hoxe que “as críticas formuladas por Neves Cando ao Plano Xeral de Ordenación Municipal (PXOM) burelés son infundadas porque demostran que esta señora non se enterou absolutamente de nada sobre o que se facía co PXOM durante o tempo que ela estivo no bipartito”. Desde o Grupo Municipal Popular (GMP) subliñan que o bipartito ocultou información.
Os populares lembraron que o documento aprobado inicialmente é básicamente o mesmo que deixou feito o bipartito de socialistas e nacionalistas, “nós incrementamos o solo dotacional, propuxemos unha rebaixa da afectación da actual variante, temos a obriga de introducir o trazado do corredor Barreiros-San Cibrao porque así o di un informe de Fomento de outubro de 2010, incluímos a construción dunha nova EDAR, introducimos un entronque ao acceso ao porto, propoñemos unha fachada marítima na zona de Castrelo e Suafonte e outras cousas, pero polo demais prácticamente todo xa estaba contemplado no documento que eles deixaron feito”.
“Resulta lamentable que esta persoa diga o que di, porque é recoñecer a súa ignorancia no asunto durante catro anos e cabe preguntarse a qué se dedicaba cando estaba no Concello”, afirman desde o equipo de goberno.
No que se refire ao corredor Barreiros-San Cibrao, “Cando debería saber que o seu socio de goberno tiña gardado un informe de Fomento de outubro de 2010 que obriga taxativamente a incluír o corredor no plan. Se o descoñece, pode vir polo Concello e pedilo, e así pode poñerse colorada”.
Ademais, segundo o GMP, “co POL pódense recuperar zonas nas que coa Lei dos 500 metros que PSOE e BNG apoiaban estaría absolutamente prohibido construír. E por outra banda, lembrarlle á Sra. Cando que o catálogo de vivendas a conservar remitido por Patrimonio ten data de maio de 2009; é máis, o documento do PXOM que o bipartito burelés enviou a informe previo xa incluía esta catalogación de vivendas, o que demostra que esta muller non se enterou absolutamente de nada, ou ao mellor é que nunca tivo ningún interese en enterarse. E o que é peor, estaban tapando información os cidadáns”.
No que se refire aos polígonos, os populares afirman que “os polígonos que están no documento aprobado inicialmente son os mesmos que aparecían no enviado polo bipartito para informe previo da Xunta, e os mecanismos para o seu desenvolvemento son idénticos entre un documento e outro, por certo, prácticamente iguais ao sistema empregado en Torrentes. Por certo, a xeneración de polígonos é un acto regrado no que non caben arbitrariedades. Polo tanto, tamén estiveron ocultando información aos veciños, co que debería estar calada”.
Para o GMP, a mellor demostración de transparencia estase dando a través da exposición pública, “todo o mundo ten dereito a coñecer a súa propia situación, para así poder alegar se o considera oportuno, co ánimo de corrixir erros, ou plantexar melloras. ¿Qué se diría se no Plan Xeral se ocultasen, por exemplo, as directrices de Patrimonio? ¿Por qué o bipartito non informou do documento que enviou a informe previo?”.
Os populares, que recoñecen o dereito de Cando a alegar e a opinar, pídenlle “coherencia e seriedade. Acostumbra sempre a facer o mesmo, sementar dúbidas e dicir as cousas a medias para que a xente dubide. Neste caso, debería actuar con absoluto rigor, se é que participou na elaboración do plan, que á vista do que di está claro que non participou”.
Remitido
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
