A portavoz na materia, Emma Álvarez Chao, reiterou “a nosa disposición de negociar cos grupos da oposición aqueles cambios que melloren e fagan máis operativa esta nova lei”
O GRUPO POPULAR SOLICITA QUE A NOVA LEI DE MONTES ESTABLEZA UN PRAZO DE DOUS ANOS PARA QUE AS REPOBOACIÓNS SE ADAPTEN ÁS NOVAS DISTANCIAS ESTABLECIDAS
Álvarez Chao apuntou que, entre as 38 emendas presentadas, “solicitaremos que se incorpore a posibilidade de poder constituír enclaves de ata 5 hectáreas só con frondosas caducifolias en terreos rústicos de uso agrícola abandonados”
Santiago, 29 de abril de 2012.- O Grupo Parlamentario Popular solicitará que na nova Lei de Montes de Galicia se estableza un prazo máximo de dous anos para que as repoboacións se adapten ás novas distancias marcadas na norma. A voceira na materia dos populares, Emma Álvarez Chao, apuntou que “tamén solicitaremos que se incorpore a posibilidade de poder constituír enclaves de ata cinco hectáreas unicamente con frondosas caducifolias en terreos rústicos de uso agrícola que estean abandonados, ao tempo que demandamos unha especial protección para os enclaves de frondosas caducifolias, para o que propoñemos que se consideren como monte as superficies a partir de unha hectárea con estas especies arbóreas”.
Álvarez Chao manifestou que o Grupo Popular presentou un total de 38 emendas ao proxecto de Lei de Montes de Galicia, que recollen aportacións feitas por sindicatos agrarios e asociacións forestais. “O noso ánimo é de sacar adiante esta norma co máximo consenso social e político, polo que reiteramos a nosa disposición de negociar cos grupos da oposición aqueles cambios que melloren e fagan máis operativa esta nova lei para que poida cumprir os seus obxectivos: sacar un mellor rendemento á nosa riqueza forestal e fixar poboación no rural galego”, puntualizou.
A portavoz do Grupo Popular salientou a proposta para que as repoboacións existentes á entrada en vigor da nova Lei de Montes teñan un prazo de dous anos para adecuarse ás novas distancias establecidas nesta normativa. “Deste xeito, clarificamos as distancias de plantación dunha vez por todas, aportando seguridade xurídica, axudamos na prevención de incendios e melloramos as infraestruturas de explotación e o seu mantemento”, manifestou.
MONTE DE FRONDOSAS DE UNHA HECTÁREA
Unha das emendas presentadas polos populares propón unha modificación do artigo 2 do proxecto de Lei, referido ao concepto do monte ou terreo forestal. En concreto, incorpórase a posibilidade de que sexan considerados como monte aqueles enclaves de masas de especies forestais de frondosas cunha idade media de polo menos 10 anos que ocupen unha superficie mínima de unha hectárea. Emma Álvarez subliña a “importancia deste cambio polo seu valor ecolóxico, paisaxístico e cultural, xa que a norma deixaba estas pequenas representacións de fragas nun baleiro legal”.
Outra das cuestións que pretende modificar o Grupo Popular refírese á posibilidade de que en terreos rústicos de uso agrícola se constitúan enclaves de ata cinco hectáreas de superficie arborada utilizando unicamente frondosas caducifolias. Esta situación poderá levarse a cabo en terreos que estivesen en estado de abandono e adscritos a un banco de terras agrarias ou instrumento semellante por un período mínimo de dous anos. Emma Álvarez sinala que esta medida permitirá “incrementar a biodiversidade, así como a produción de madeiras de calidade nos nosos bosques”.
BENEFICIAR SEMPRE AO ADMINISTRADO
Álvarez Chao tamén fixo referencia a outras emendas presentadas polo Grupo Popular ao proxecto de Lei de Montes, entre as que se recolle que o silencio administrativo nas solicitudes de autorización debe beneficiar sempre ao administrado ou que se consideren de alto valor natural os montes xestionados sostiblemente, aos que se lles facilitará as posibles vías de financiamento.
Por último, outras emendas presentadas polo Grupo Popular acentúan na clarificación de usos e ordenación do territorio con posibilidade de acollerse ás axudas ou na incorporación de novidades para facilitar o pagamento de débedas dos propietarios coa Administración, sobre todo aqueles que teñen actualmente contrato de xestión pública e queiran rescindilo.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
