Foz a 3 de marzo de 2012
A Delegación de Cultura do Concello de Foz da comezo á programación cultural co motivo da Semana Santa 2012.
O programa da semana da música comeza mañá mércores:
Mércores 4 de abril de 2012—Basílica de San Martiño MÚSICA
Ás 20,00 h. Concerto do Grupo de Música Antiga 1500 – Eamus videre… o ciclo da Semana Santa a traverso da música antiga.
Venres, 6 de abril— Basílica de San Martiño MÚSICA
Ás 12,00 h. Misa e concerto co Coro Parroquial de Foz
Ás 18,00 h. Misa procesión coa Banda de Música de Foz e a actuación de Iria Bermudez e Fátima Rodríguez que interpretarán canto litúxico.
Sábado, 7 de abril— Sala Bahía PROGRAMACIÓN INFANTIL
Ás 18,30 h. TALÍA TEATRO poñerá en escea a obra CARTA URXENTE PARA MÁXIMO TOXO
Sábado, 7 de abril— Basílica de San Martiño MÚSICA
Ás 20,00 h. Misa e concerto da Coral Polifónica de Burela
Domingo, 8 de abril— Basílica de San Martiño MÚSICA
Ás 12,30 h. Misa e concerto do grupo SAX-40
Domingo, 8 de abril— Igrexa Parroquial de Foz MÚSICA
Ás 19,00 h. Misa e concerto da Coral Polifónica de Burela
Esperando sexa do seu interes, aproveito a ocasión para saudala moi atentamente.
A Concelleira de Cultura, Educación, Deportes, Muller e Xuventude
Dna. Mercedes González Alonso
Talía Teatro
Artur Trillo Sendón
Talía Teatro nace no ano 1988 no Concello de Cee como grupo de teatro afeccionado vinculado á asociación Cultural Domingo Antonio de Andrade, entidade organizadora da Mostra de Teatro de Cee.
No ano 1996, despois de se constatar a evolución da compañía e despois de certas críticas e premios, decidiu dar o salto ao sector profesional.
• Obra/Espectáculo
• Carta urxente para Máximo Toxo
• Texto promocional
• Preséntovos a Máximo Toxo, gran escritor, aínda que pouco coñecido. Vive pechado na súa casa, buscando acadar a obra perfecta, o libro polo que será recordado eternamente (e que lle permitirá pagar as súas débedas). O seu carácter rosmón e antipático, e a súa alerxia ao contacto con outras persoas, fan del un verdadeiro ogro, alleo a todo o que acontece máis alá da súa vivenda.
Por outro lado atoparedes a Belinda, que traballa como carteira, aínda que con ansias de progresar. É unha muller alegre e chea de vitalidade, algo inxenua (máis ben un pouco parva), e sempre confía na xente que a rodea.
Aínda que Belinda reparte o correo pola veciñanza de Máximo Toxo, nunca tivo ocasión de coñecelo… ata hoxe. O xefe de Correos fíxolle un encargo a Belinda: entregarlle ao señor Toxo unha carta importantísima en persoa.
• Duración
• 50 min
• Público
• Infantil 4-10
Grupo 1500 (curriculum)
O grupo 1500, dirixido por Andrés Díaz, é unha formación vocal e instrumental adicada á interpretación da música antiga. O seu repertorio abrangue dende a música composta nos séculos centrais e finais da Idade Media, ata a música do Renacemento e primeiro Barroco, tomando como referente central o ano 1500 que da nome ao grupo.
Os e as e compoñentes de 1500 contan cunha ampla traxectoria concertística, sendo membros ou colaborando con outras formacións de ámbito nacional e internacional, e teñen ofrecido numerosos concertos en Galiza, España e no resto de Europa.
Na interpretación e elaboración dos diferentes programas, o grupo busca o máximo rigor histórico e conceptual, empregando, ademáis, un amplo repertorio de instrumentos medievais e renacentistas.
Ademáis da súa actividade concertística, o grupo de Música Antiga 1500 desenvolve outro tipo de proxectos relacionados coa música, dende a súa concepción e deseño, ata a súa execución: bandas sonoras para audiovisuais e teatro (1500 prestou a banda sonora para a curta Cadea Perpetua ou o documental O mariscal), concertos, guías e materiais didácticos para as diferentes etapas do ensino, recitais de poesía e música e concertos monográficos de temática específica para diversas conmemoracións.
Dende a súa creación, o grupo ten ofrecido un grande número de concertos nos máis diversos escenarios.
MARÍA GIMÉNEZ (voz e percusión)
BELÉN BERMEJO (voz e organetto)
JOSÉ IGNACIO CASTRO (sacabuche e frautas)
VÍCTOR BLANCO (guitarra barroca, guitarra renacentista e arpa)
ROBERTO SANTAMARINA (fídula e violín barroco)
ANDRÉS DÍAZ (frautas, chirimía, baixón, vihuela e guitarra renacentista e dirección)
SAX-40
! O Cuarteto de Saxos SAX-40 nace co obxetivo de poder facer chegar o repertorio de
música para cuarteto de saxos a todos os públicos, sobre todo ao público infantil, e cunha
dobre finalidade, que sirva de entretemento e que sexa didáctica ao mesmo tempo.
! No seu repertorio, o grupo combina música de distintas xeografías e estilos para
tratar de adaptarse á sociedade multicultural de hoxe en día.
Os integrantes deste grupo son:
JUAN CARLOS PALLEIRO MOSQUERA( saxo soprano)
JOSE MARIA BLANCO PAMPIN ( saxo alto )
JOSE LUIS FERNANDEZ CARREIRAS( saxo tenor)
JOSE LUIS BAO VALIÑO(saxo barítono)
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
