ANTONIO VEIGA VISITOU AS OBRAS DE CONSTRUCIÓN DA RESIDENCIA PARA PERSOAS CON ENFERMIDADES MENTAIS EN CERVO
A construción desta residencia e centro ocupacional conta cun investimento de 985.980 euros, dos que a Deputación aporta 225.000 euros
Veiga destacou o “compromiso da Área de Benestar coa atención e integración das persoas con calquera tipo de discapacidade”
Cervo, 17 de abril de 2012. O vicepresidente da Deputación de Lugo e responsábel das Áreas de Benestar Social e Deporte, o nacionalista Antonio Veiga, acompañado de Iris Castro, presidenta, e outros membros da directiva Asociación de Axuda ao Enfermo Mental da Mariña, o concelleiro do BNG en Cervo, Xoán Estua, e técnicos da empresa construtora, visitaron as obras de construción da residencia e centro ocupacional para persoas discapacitadas con enfermidade mental. Esta infraestrutura ten un investimento de 985.000 euros, dos que a Área de Benestar da Deputación aporta 225.000 euros en dúas anualidades (2011-12) a través dun convenio coa Asociación de Axuda ao Enfermo Mental da Mariña. Pola súa banda, a Consellería de Traballo faise responsable de máis da metade do investimento, aportando 561.000 euros, e os 199.980 euros restantes proveñen dos fondos europeos AGADER.
Os que hoxe visitaron as obras de construción desta residencia para persoas con enfermidades mentais puideron comprobar o bo ritmo que levan as mesmas, pois, a día de hoxe, xa está executado máis dun 65% do total da construción, polo que vai moi avanzada, pois xa se levaron a cabo as actuacións máis importantes no conxunto da estrutura de maneira que se verán cumpridos os prazos de execución establecidos cando se iniciou a edificación.
Con este novo espazo que se está creando en Cervo veranse beneficiados, como mínimo, 75 usuarios permanentes, o que supón un paso de xigante para a comarca no que a cubrir as necesidades de persoas con discapacidade mental se refire. Ademais dos beneficios que vai ofrecer a estas persoas, coa construción desta residencia e centro ocupacional, vanse crear varios postos de emprego directo, o que supón un dato moi positivo para A Mariña e o seu crecemento económico.
Coa colaboración da Deputación na construción desta residencia, queda demostrado, unha vez máis, o compromiso da Área de Benestar coa atención e a integración das persoas, neste caso concreto coas persoas con algún tipo de discapacidade, “en contraposición aos recortes en materia social que está a facer a Xunta de Galiza, que están incidindo de xeito directo en abrir a fenda da exclusión xusto no seo dos colectivos que máis necesitan a axuda en tempos de crise, polo que é inhumano que a Xunta de Galiza utilice a crise como coartada para levar a cabo políticas que aumentan as desigualdades na sociedade”, sinalou Veiga.
Remitido
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
