Arrinca o primeiro curso que o CENTRAD celebra en Mondoñedo
– Sete alumnos comezan hoxe “Olaría de Mondoñedo”, o 1ºcurso que o Centro de Artesanía organiza na localidade mariñana e que terá como escenario un obradoiro tradicional
– Esta acción formativa desenvolverase os martes e xoves ata o vindeiro 15 de maio, de 17:00 a 19:00 horas, nun obradoiro situado no Barrio dos Muíños
– O resto dos cursos programados, coa cota de prazas cuberta ós poucos días de abrir o prazo de inscrición, comezarán a finais de abril e comezos de maio
Hoxe dá comezo “Olaría de Mondoñedo”, primeiro curso organizado polo Centro de Artesanía e Deseño da Deputación de Lugo nesta localidade mariñana. Esta acción formativa, na que participan sete alumnos, é parte da programación de cursos que organiza a institución provincial a través do CENTRAD. Tal e como ven facendo con éxitode convocatoria dende hai anos, a Deputación pon en marcha esta iniciativa de formación en artesanía para potenciar esta actividade a todos os niveis, xa que os seus responsables consideran que este sector, xunto co dos productos autóctonos, son un factor de crecemento económico moi destacado para a provincia.
Precisamente como impulso da artesanía e dos profesionais lucenses, por primeira vez o organismo provincial quixo achegar a formación do Centro de Artesanía a outros puntos da provincia, tal e como ven facendo cos cursos das súas Aulas de Formación. Deste xeito, hoxe dá comezo o primeiro curso do 2012 que se desenvolverá fóra das instalacións do Centro. “Olería do Mondoñedo” terá como escenario o obradoiro que a artesá María Jesús López Lage posúe no mindoniense Barrio dos Muíños. Ela será a encargarda de impartir as 16 horas das que consta esta acción formativa e nas que os participantes aprenderán as técnicas tradicionais dos “cacharreiros” mariñanos. Neste obradoiro, que conserva o antigo forno de leña, e que conta cun museo no que se exhiben pezas tradicionais, os futuros artesáns aprenderán o proceso completo dos oleiros, dende a preparación do barro ás técnicas de modelado ou as de cocción en sesións de 17:00 a 19:00 horas, os martes e xoves, ata o 15 de maio.
Tres cursos máis para a primavera
A oferta de cursos prevista para os meses de primavera complétase con outros tres que se desenvolverán a partir da última semana deste mes e a primeira de maio nos pavillóns cos que o CENTRAD conta na capital. Con todas as prazas cubertas, “Fabricación de pezas. Torques”, “Encaixe de palillos” e “ Iniciación á cestaría de vimbio” comezarán a partires do 21 de abril. Sete alumnos adicarán os sábados de 16:00 a 21:00 horas e os domingos de 9:00 a 14:00 horas á “Fabricación de pezas. Torques”. Outros 8 participantes, a partires do 30 de abril, elaborarán encaixe de palillos os luns, mércores e venres de 9:30 a 13:30 horas, e outros 10 se inciarán nas labores con vimbio de 9:00 a 14:00 horas, a partires do 8 de maio. de luns a venres.
Remitido
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
