A CIG-Ensino denuncia que a Consellaría segue co seu plan de suprimir unidades, suprimir profesorado e agrupar alumnado de diferentes idades nunha mesma aula nos centros da Mariña
A Consellaría discrimina aos centros de poboacións pequenas que non terán as mesmas condicións de aprendizaxe que as demais
Ribadeo a 28 de xuño de 2012.- Como anunciaba a CIG días pasados a Consellaría de Educación, dirixida polo PP, continua co seu plan de suprimir un importante número de unidades e postos de traballo nos centros da Mariña así como a de agrupar alumnado de diferentes etapas, cursos e ciclos.
Polas comunicacións que está facendo a Xefatura Territorial da Xunta en Lugo aos centros da Lugo, a Consellaría suprimirá na provincia para o vindeiro curso 40 unidades de Educación Infantil e Primaria e 54 postos de traballo de mestres. Con estes novos datos, sumados ao resto das provincias galegas, as supresións superarán para o próximo curso en Galiza as 155 unidades e os 240 postos de traballo.
Segundo os datos que a CIG manexaba, confírmase que en Educación Primaria a Xunta pretende suprimir na Mariña 7 unidades escolares e a supresión de 7 profesores/as con respecto ao ano pasado. Ao final, na Mariña veranse afectados os centros de Primaria de Alfoz, de Barreiros, de Mondoñedo e de O Vicedo. No Ceip Castro de Ouro de Alfoz suprimen 1 unidade de Educación Infantil agrupando a 14 nenos e nenas de 3 a 5 anos todos nunha mesma aula e suprimen unha praza de mestre de Educación Infantil quedándose o centro tamén sen o cargo de secretario co que as tarefas administrativas acumularanse aínda máis. Outro caso grave é do Ceip de San Cosme de Barreiros onde suprimen 1 unidade de Primaria e 3 prazas de mestres suprimidas (1 de Inglés, 1 de Música e 1 de Educación Física). Tamén agruparían a 14 nenas e nenos de 3 a 5 anos nunha soa aula de infantil e a 16 nenos e nenas de entre 6 e 13 anos nunha soa aula de primaria, coa problemática que esta medida conleva. Con toda seguridade este centro queda sen especialistas e polo tanto os nenos e nenas estarán discriminados con respecto aos doutros centros pois non poderán ter as clases de educación física e de música as que terían dereito para formarse. Outros centros onde se recortan unidades e profesorado son o Ceip Alvaro Cunqueiro de Mondoñedo onde suprimen 2 unidades de Educación Infantil e 2 profesoras e o Ceip do Vicedo onde suprimen 1 unidade de Primaria e 1 profesora.
Cos estes agrupamentos que procura a Consellaría abundarán as unidades con alumnado de diferentes idades, cursos, ciclos e, mesmamente, etapas, xa que teñen a pretensión de levalas a cabo sempre que non superen os 20 alumnos, e incluso nalgúns casos os 25. Isto vai a afectar a calidade do ensino e por suposto ao desenvolvemento persoal do alumnado ao mesmo tempo que supón unha discriminación en toda regra das poboacións pequenas e rurais con respecto ás outras pois con estas medidas o alumnado destes centros non terán os mesmos especialistas nin a mesma calidade educativa (temporalización da aprendizaxe, atención especializada, etc.). Os recortes tamén poden afectar nalgún centro aos comedores escolares onde haxa menos de 23 usuarios, onde se suprimirían.
As supresións aplicaranse en todos os niveis educativos xa que, en Secundaria, Inspección educativa anunciou que traballa co obxectivo de reducir en moitos centros un 10% os cadros de persoal. Ademais, incrementarase o número de afíns a impartir. Por exemplo, xa se coñece a intención da Consellaría de que o profesorado de Matemáticas imparta Debuxo en 2º de Bacharelato. A isto hai que sumar a dificultade que terán os ciclos formativos para manterse porque a Consellaría non permite matricularse neles ata setembro, a amortización de prazas ou integración de centros.
A CIG calcula que a Consellaría suprimirá en total con estas medidas arredor de outros 15 postos de traballo na comarca que sumados aos 18 e 20 dos anos anteriores estamos a falar de máis de 50 profesores/as en 3 anos, unha barbaridade.
Para a CIG-Ensino, as instrucións que se trasladan aos centros confirman que a folla de ruta trazada polo PP inclúe a aplicación de novos recortes no ensino público que irán en detrimento da calidade do ensino e do dereito do alumnado a recibir este servizo público en igualdade de oportunidades, algo que desde a CIG seguirase a combater. Ante a onda de recortes a Plataforma Galega en Defensa do Ensino Público manifestouse este mércores 27 de xuño en Santiago. A CIG volve a manifestarse diante da Consellaría este venres para mostrar o seu rexeitamento ante todas estas medidas e seguirá oponse frontalmente ante este ataque contra o ensino público galego.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
