O PP de Viveiro lamenta que a deixadez do equipo de goberno prive a Viveiro do Festival da Canción do Landro 2012.
Unha vez máis, a indolencia, a pasividade e a inoperancia mais absoluta, deixan a Viveiro sin un dos seus “ sinais de identidade ” ( frase moi repetida polo Alcalde, pero que en realidade non se corresponde co que logo fai para manter eses sinais que identifican o noso pobo) como é o Festival da Canción do Landro, en concreto a súa vixésimo primeira edición.
Por segunda vez na historia do Festival ( a 1ª foi no 1969 e retomouse no 1995 ), este suspéndese pola neglixencia municipal e porque nesta ocasión, ós socios de goberno do Sr. Melchor o BNG ( lembremos é quen leva a Concellería de Cultura)non lles gusta ou interesa para nada este Festival da Canción do Landro.
Pasamos de ter un Festival dunha enorme trascendencia e repercusión para Viveiro, co que vender a marca Viveiro en toda España e no resto de mundo, gracias a cobertura que lle daba a TVG no canle internacional ( quen por certo nestes últimos anos xa non viña a Viveiro ), a quedarnos sin el.
A importancia que a TVG lle daba era moita, asi a propia televisión custeaba a orquesta, a luz, o sonido, o escenario, o decorador e inclusive o artista invitado. Non cabe dúbida que si o facía, era porque a inciativa era mais que boa e porque a súa audiencia asi llo demandaba.
Das poucas condicións que puxeron, era a de garantizar que se puidese emitir en directo e con público, de ahí o seu traslado puntual ó pavillón de deportes, para evitar que a choiva puidese suspendelo, como aconteceu por exemplo no ano 2003, que se suspendeu e voltouse a celebrar uns días máis tarde.
Nese mesmo ano 2003, no que toma posesión da Alcadía o goberno bipartito PSOE-BNG, o sr Rafael Fernández Amor ( responsable da Concellería de Facenda ) declara nun xornal o 28 de xuño de 2003 que o festival “en si daba superávit”, polo tanto a pregunta é inevitable, que pasou a partires daquela data, para que deixara de dalo?. A resposta parece evidente, e non é outra que a mala xestión.
Mais recientemente, concretamente o 20 de maio de 2012, aparecía nos medios unhas declaracións do Sr. Alcalde decindo que o Festival da Canción do Landro non se convocara en tempo e forma. Ó grupo do Partido Popular, ó igual que a moitos vecinos e veciñas de Viverio, gustarianos saber por que non se convocou en tempo e forma?, cales foron os verdadeiros motivos polos que non se fixo?.
A información que manexa o noso grupo pode dar pistas de por que non se fai este ano ( e xa veremos si nos sucesivos ):
Parece ser que algúns dos membros da orquesta do ano pasado ainda non cobraron, asi como que tampouco foron avisados, proba inequívoca de que non se pensaba convocar este ano (máxime cando dun ano para outro os propios músicos xa reservan esas datas contando con vir a Viveiro).
Dice o Alcalde que Viveiro aforra 60.000 euros; ata ahí poderiamos estar dacordo, si hai que recortar, que se recorte. O que xa non entendemos e como para o Resurrection Fest hai 80.000 euros, máis o apoio loxístico e de persoal do Concello ( e todo o esforzo que faga falla, en palabras do propio Alcalde), ou para o Mercado Renacentista 17.700 euros ( datos correspondientes a aprobación de facturas pola xunta de goberno local o 24-11-11) e para este festival nin un euro, posto que non foi nin convocado. En émbolos dous casos os asistentes teñen que pagar a entrada ou o aluguer dos traxes de época.
Si non é problema de cartos, ben puidera ser que os socios do Sr. Alcalde, ó BNG non lles guste este festival, e asi coa connivencia do Sr. Alcalde aproveiten para eliminalo, non dándose conta que non se representan a si mesmos, senón a todos os vecinos e veciñas de Viveiro que a bo seguro votaran en falta este Festival. Tanto promocionar o Consorcio de Turismo (iniciativa moi loable) e as primeiras de cambio carganse este punto de encontro musical, que tan ben nos viña para proxectar a imaxe de Viveiro, en Galicia, en España e mesmo como xa
mencionamos no canle internacional da TVG.
Para rematar e conocendo o gusto que ten o Sr. Alcalde por retrotraerse a épocas anteriores, lembrar que no ano 2003, o Festival con todo xa preparado, suspendeuse temporalmente para facer efectivo o traspaso de poderes e ante a imposibilidade de poñerse en contacto con el (despois de varios intentos) foi polo que se optou por esta medida de suspensión temporal.
Dende o grupo do PP de Viveiro desexariamos saber as verdadeiras razóns polo que este festival da Canción do Landro 2012 non foi convocado, ainda que moito nos tememos que unha vez mais, nós e os veciños e veciñas de Viveiro ímonos quedar coas ganas.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
