A VICEPRESIDENCIA DA DEPUTACIÓN DE LUGO PROMOVE A DEFENSA DOS DEREITOS LINGÜÍSTICOS
A área de Cultura e Turismo e a Mesa pola Normalización Lingüística colaboran na promoción do galego nas escolas, na administración pública e nas empresas.
Mario Outeiro asegura que “ao contrario do que acontece noutras administracións galegas, a Deputación de Lugo mantén o seu compromiso co cumprimento da Lei de Normalización Lingüística”.
Lugo, 10 de xuño de 2012. O delegado de Cultura e Turismo da Deputación de Lugo, o nacionalista Mario Outeiro, asinou un convenio coa Mesa pola Normalización Lingüística para a posta en marcha de diversas iniciativas destinadas a promover o emprego da lingua galega entre a poboación en xeral pero especialmente entre a mocidade.
Dito convenio regula a subvención que a Deputación de Lugo outorgou á Mesa pola Normalización Lingüística por valor de 30.000 euros para dinamizar o emprego do galego na administración pública, nas escolas e nas empresas, así como para garantir o cumprimento dos dereitos lingüísticos.
Seguindo coa liña de traballo iniciada en anos anteriores, Outeiro explicou que “as campañas que se van por en marcha teñen un dobre obxectivo: a promoción do uso do galego e rachar cos tópicos que rodean o emprego desta lingua. O idioma xera identidade, diferenciándonos e caracterizándonos como pobo e, polo tanto, temos a obriga de defendela ante calquera ataque ou vulneración”.
Esta subvención permitirá reforzar o servizo de consultas e reclamacións relativas aos dereitos lingüísticos que presta a Mesa pola Normalización Lingüística. Neste senso, o delegado de Cultura e Turismo precisou que “ao contrario do que acontece noutras administracións galegas, a Deputación de Lugo aposta pola promoción da lingua galega e reforza o seu compromiso co cumprimento da Lei de Normalización Lingüística”.
A resposta que a Consellería de Cultura, Educación e Ordenación Universitaria ven de dar a unha pregunta parlamentaria formulada polo Grupo Parlamentario do BNG sobre a incidencia do uso da lingua galega nos centros de ensino, na que se recoñece que o uso minoritario do idioma propio de Galiza, pon en evidencia a necesidade de levar a cabo actividades especiais dirixidas á mocidade. “Por iso – engadiu Outeiro- as campañas publicitarias que se realicen no marco deste Convenio centraranse nos máis xóvenes e poderanse ver en centros de ensino secundario, centros universitarios e locais de ocio xuvenil.”
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
