Deputación, Concello e Asociación Cultural San Xoan Bautista impulsan a 3ª Festa da Exaltación da Sardiña de Covas
– Lara Méndez e Melchor Roel presentaron unha nova edición desta cita festiva que se celebrará na parroquia viveirense de Covas coincidindo coas celebracións do San Xoan
– Méndez destacou a importancia deste tipo de iniciativas, que atraen cada ano a máis visitantes e que contribúen á potenciar diferentes sectores da economía local
– Poranse á venda racións deste peixe, patacas e viño, ó prezo simbólico de 2 euros nuha festa que se completará con diversas actividades dirixidas a participantes de todas as idades
A Vicepresidenta segunda da Deputación, Lara Méndez, e o Alcalde de Viveiro, Melchor Roel, presentaron este xoves na viveirense Praza da Pascua unha nova edición da Festa da Exaltación da Sardiña, unha cita gastronómica que, durante esta fin de semana, encherá de veciños e foráneos a parroquia viveirense de Covas.
Durante o acto, que tamén contou coa presenza de Adrián Casas, presidente da Asociación San Xoan Bautista, impulsora do evento, Lara Méndez destacou que a Deputación colabora economicamente con este tipo de iniciativas porque “aínda que este tipo de colaboracións supoñen un esforzo inversor para a Deputación, apoiar o tecido asociativo da provincia é outra forma de reactivar a economía dos Concellos”. Méndez lembrou que esta é unha nova colaboración da institución provincial, a través do Plan de Subvencións do Inludes para 2012, con aqueles eventos de exaltación de produtos autóctonos e artesanais, que supoñen un impulso decisivo para a economía local xa que, coa afluencia de visitantes, vense beneficiados diferentes sectores económicos da zona, coma o hosteleiro, o comercio ou o gastronómico.
Esta celebración xurdiu de mans da Asociación Cultural San Xoan Bautista de Covas, nacida como tal no pasado ano, se ben hai xa tempo que os seus integrantes levan poñendo en marcha numerosas iniciativas para dinamizar a vida local. Son os artífices de iniciativas coma a Festa de Pascua, que este colectivo recuperou para o calendario festivo de Viveiro e durante a que se celebra un mercado de produtos autóctonos e artesanais; a festa do Mexillón ou o Mercado Pirata que se celebra a finais da época estival.
A Festa da exaltación da Sardiña celébrase coincidindo coas festas patronais do San Xoán, e que xa se está a converter nun dos festexos de referencia da Mariña durante esta época de adianto estival. Así, o día 25 a sardiñada popular porá punto e final a tantos días de celebracións nos que se espera repetir o éxito da sardiñada do ano pasado, durante a que se repartiron preto de 700 quilos de sardiñas en racións, acompañadas de patacas e viño. Todos os que o domingo se acheguen ata o Paseo Marítimo de Covas poderán degustar, se a captura deste peixe o permite, centos de racións a un prezo simbólico de 2 euros.As tres xornadas festivas complétanse con actuacións musicais e actividades para os máis novos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
