O programa de formación e promoción do emprego do Igape conta cunha dotación de 1 millón de euros e poderá solicitarse desde mañá
ECONOMÍA E INDUSTRIA ABRE O PLAZO PARA OPTAR A BOLSEIRO DO PLAN RE-ACCIONA QUE CONVERTERÁ A 100 NOVOS TITULADOS EN ESPECIALISTAS NA MELLORA COMPETITIVA DAS PEMES
? Os seleccionados no marco da convocatoria publicada hoxe no DOG recibirán formación especializada antes e durante o período de prácticas no que poderán prestar servizos en ata catro pemes diferentes, titorizados por expertos
? Este programa formativo é parte do Plan ReAcciona que conta cunha dotación global de 5 millóns de euros
? Este Plan ten como obxectivo facer máis de 2.200 diagnoses de competitividade e internacionalización nas pemes galegas e prestar servizos de alta calidade para aplicar melloras competitivas concretas nestas empresas
Santiago, 12 de xuño de 2012.- O Diario Oficial de Galicia publica hoxe as bases do programa de formación e emprego asociado ao Plan Re-Acciona, que conta cunha dotación orzamentaria de 1 millón de euros e que converterá a 100 novos titulados en especialistas en competitividade e internacionalización nas pequenas e medianas empresas galegas.
Esta iniciativa de formación, especialización e promoción do emprego da Consellería de Economía e Industria forma parte do Plan Re-Acciona, deseñado para reforzar a estratexia dun Igape próximo que achega solucións eficientes ás necesidades reais das pemes e responde á súa reorientación como un Instituto centrado na prestación de servizos avanzados.
A través da convocatoria publicada hoxe, o IGAPE pon a disposición de 100 novos titulados a oportunidade de participar nos seus programas de mellora da competitividade para as Pemes. O aspecto diferencial fronte a outros programas de bolseiros é a integración do bolseiro na execución de proxectos de mellora concretos impulsados polo Instituto e os seus axentes colaboradores.
Os novos titulados acollidos a este programa de especialización práctica incrementarán as súas posibilidades de acadar emprego, ben na empresa consultora coa que colaboran no marco da bolsa, ben nalgunha das pemes destinatarias dos servizos avanzados facilitados polo Igape mediante o programa re-Acciona.
No seu conxunto, o Plan re-Acciona conta cun orzamento total de 5 millóns de euros, cofinanciados co Fondos Social Europeo, e cunha duración de 2 anos. Con este Programa, o Igape realizará máis de 2.200 diagnósticos gratuítos de internacionalización e de competitividade; tamén levará a cabo servizos avanzados de alto valor engadido, a custo moi reducido para as empresas co obxectivo de facilitar a profesionalización e a mellora na xestión, e ademais desenvolverá o programa formativo publicado hoxe no DOG para a inserción nas empresas de 100 especialistas recentemente titulados, que axudarán no desenvolvemento das melloras propostas, ademais de recibir formación teórica e práctica.
Os titulados universitarios que participen en todo o programa serán seleccionados entre 200 finalistas que poderán acceder á formación teórica especializada para a aplicación dos proxectos de mellora da competitividade e internacionalización, promovidos no marco do programa Re-Acciona.
Os 100 seleccionados colaborarán na prestación de servizos avanzados nas pemes que se acollan ao Plan re-Acciona, un proceso no que poderán chegar a participar en ata catro empresas diferentes, ademais de contar con outro período de formación máis específico durante o período de prácticas. Os seleccionados disporán dun ano de prácticas en empresas, contando coa supervisión e titorización das empresas especializadas que colaboran co Igape na prestación de servizos de asesoramento ás pemes, no marco do Re-Acciona, seguimento que estará recollido nun plan de formación específico.
Requisitos
Os bolseiros deberán ser titulados –entre os anos 2009 e 2012– en física, matemáticas, química, enxeñería, ciencias económicas e empresariais, administración e dirección de empresas, ciencias empresariais, economía ou dereito. A selección estará baseada no currículo dos solicitantes.
No seu conxunto, o proceso permitirá que os bolseiros accedan a novas competencias profesionais en ámbitos onde a experiencia práctica e fundamental para o desenvolvemento de proxectos, incrementando as súas posibilidades de atopar un emprego de calidade.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
