O Concello avanza nos trámites para mellorar a cobertura da Internet en Rúa e Trasbar
-O goberno local leva un ano mantendo contactos coa empresa que dotará de cobertura optimizada a estas dúas localidades para tentar acelerar a chegada do sinal
Cervo, 11 de xuño de 2012-O goberno de Cervo anunciou que a mellora do sinal da Internet en Rúa e Trasbar é inminente, xa que ambas localidades se atopan no Plan de Banda Larga da Xunta, no que se prevé a chegada da Internet para o ano que vén. Porén, o alcalde de Cervo, Alfonso Villares, avanzou que o goberno municipal leva un ano mantendo contactos coa empresa concesionaria que se encargará de traer a banda larga a ambas áreas co obxectivo de axilizar a súa implantación e adiantar a data de entrada en servizo a este verán.
O rexedor achegou esta nova información á veciñanza de Rúa, que solicitara unha reunión con el para coñecer a situación e os avances dados para dotar a esta zona dun sinal de calidade que permita unha conexión fiable e continuada.
O mandatario cervense explicou que foron moitos os trámites e os contactos iniciados nun primeiro momento coas distintas operadoras que prestan servizo en Galicia, ofrecéndoselles facilidades dende o Concello como o achegamento da liña eléctrica. Aínda así, todas elas rexeitaron dotar a Rúa e Trasabar de cobertura de banda larga por motivos de rendibilidade económica.
Ao mesmo tempo, dende o executivo local séguense buscando alternativas para as zonas con dificultades de cobertura. Unha das posibilidades é a dotación de cobertura a través dunha empresa autónoma coa que o Concello tamén mantivo varios encontros e intercambiou información sobre a viabilidade do proxecto. “Con estes contactos o que pretendemos é dispoñer de todas as posibilidades sobre a mesa para poder valorar a máis vantaxosa para a veciñanza e tratar de conseguir canto antes a prestación do servizo” explica o alcalde cervense.
“Dende o goberno local somos sensibles á relevancia que ten na sociedade actual dispoñer da Internet como un servizo fundamental e prioritario, como ferramenta para o desenvolvemento e incluso para a mellora da calidade de vida xa que permite realizar numerosos trámites coa administración ou con outras entidades” explica Villares, “por iso estamos facendo todo o posible para que a banda larga chegue a todo o municipio sen excepción, coa máxima urxencia e con óptima cobertura”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
