NOTA DE PRENSA
O gañador de 3 Goyas Ángel de la Cruz
apadriña a oitava promoción da EIS
– Besteiro clausurou o curso 2011-2012 anunciando que a martrícula volverá ser gratuíta agás para repetidores “porque queremos poñer en valor a cultura do esforzo”
– Do 22 de xuño ó 5 de xullo estará aberto o prazo de preinscrición para o próximo curso e o día 6 colgarase a lista de admitidos no taboleiro da EIS e en www.fundaciontic.org
– O Presidente da Fundación TIC avanzou ós titulados da Escola que proximamente poderán optar a 20 bolsas de emprego para facer prácticas en empresas audiovisuais de Europa
O Presidente da Deputación e da Fundación TIC, José Ramón Gómez Besteiro, clausurou este xoves o curso académico 2011-2012 da Escola de Imaxe e Son (EIS), o único centro da provincia que imparte ensinanzas da familia audiovisual. No acto estivo acompañado polo director, guionista e produtor coruñés Ángel de la Cruz, o padriño da oitava promoción dos ciclos superiores de Produción de Audiovisuais, Radio e Espectáculos, e de Realización de Audiovisuais, Radio e Espectáculos, que ofrece a Escola, dotados con 2.000 horas lectivas e dous cursos cada un.
Gómez Besteiro dixo que “é unha honra que os novos titulados da nosa Escola teñan como padriño a un cineasta galego con grande recoñecemento nacional e internacional. É un claro exemplo para os nosos alumnos de que en Galicia hai talento, canteira e moitas posibilidades profesionais no mundo audiovisual”. O máximo responsable da Fundación lembrou que “Ángel de la Cruz forma parte dunha xeración que fai da nosa comunidade un referente da animación en España, tal e como o demostran os 3 Goyas que recibiu ata o de agora, o último deles como guionista da longametraxe Arrugas”.
Matrícula gratuíta con excepcións
O máximo responsable da TIC destacou que a Deputación aposta por unha educación pública e de calidade. Deste xeito, avanzou que para o vindeiro curso a institución luguesa manterá a gratuidade da matrícula por quinto curso consecutivo para todos os alumnos, agás para os repetidores. “Introducimos esta novidade porque queremos poñer en valor a cultura do esforzo. Damos a oportunidade de estudar, pero tamén queremos que valoren esa oportunidade porque neste momento de crise supón un gran esforzo económico para a Deputación”, indicou.
O titular provincial anunciou que o 22 de xuño se abrirá o prazo de preinscrición para o curso 2012-2013. Poderán presentarse aquelas persoas que teñan outro ciclo superior, o bacharelato ou a proba de acceso a ciclos superiores. Os interesados deberán presentar unha fotocopia do DNI, a certificación académica e cumprimentar o impreso que atoparán na web da Fundación (www.fundaciontic.org) ou na propia Escola. A documentación poderá presentarse ata o 5 de xullo na sede da EIS, na rúa Frei Plácido Rey Lemos s/n. A lista de admitidos publicarase o 6 de xuño no taboleiro da EIS e na mencionada páxina web. O prazo de matrícula estará aberto do 10 ó 18 de xullo.
Desde o inicio das actividades da EIS, en 2003, preto de 300 alumnos cursaron na Escola os seus estudos de Produción e Realización. Pero non foi ata o ano 2009 cando, por primeira vez, se cubriron todas as praza. Debido á elevada demanda, houbo unha ampla lista de espera, que se repite ano tras ano.
20 bolsas de emprego en Europa
O Presidente tamén aproveitou o acto de clausura para pedirlles ós novos titulados estean atentos, “porque proximamente poderedes optar a 20 bolsas do programa europeo Leonardo da Vinci, que permitirá completar a vosa formación con prácticas en empresas do audiovisual de Portugal, Italia e Reino Unido”. A Deputación conseguiu varias bolsas do plan Leonardo da Vinci, financiado pola Comisión Europea a través do Programa de Aprendizaxe Permanente, que ten por obxectivo aumentar a cualificación profesional mellorando a formación.
Padriño de honra
Ángel de la Cruz, membro da Academia das Artes e as Ciencias Cinematográficas de España e da Academia Galega do Audiovisual, compaxina o seu labor de produtor, guionista e director desde que comezou a súa traxectoria profesional no mundo do audiovisual no ano 1993 como axudante de decoración da película “Tirano Banderas”, de José Luis García Sánchez. Tras gañar varios concursos de guión, dirixiu a triloxía de curtametraxes “Sitcom show”, “Paranoia digital” e “Más difícil todavía”.
A súa primeira produción comercial como guionista e director foi coa longametraxe de animación “O bosque animado” (2001), galardoada con dous premios Goya -á mellor película de animación e á mellor canción orixinal-, preseleccionada para o Oscar de 2002 á mellor longametraxe de animación e gañadora de máis de 20 premios internacionais.
En 2005 dirixiu e escribiu outra película de animación, “O sono dunha noite de San Xoán”, inspirada en “O Sono dunha noite de verán” de Shakespeare, gañadora do Goya á mellor película de animación 2006 e dos Premios Mestre Mateo do Audiovisual Galego. Como guionista, director e produtor realizou a película “O mortos van á presa”, coa que colaborou a Fundación TIC e galardoada con 9 Premios Mestre Mateo e o premio ó mellor director no Festival Internacional de Cine de Porto 2009. En 2012 fíxose, xunto a Ignacio Ferreras, Paco Roca e Rosana Cecchini, co Goya ó mellor guión adaptado polo seu traballo en “Arrugas”, unha película de animación recoñecida a nivel internacional con numerosos premios.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
