O PP local crea un grupo de traballo para facer seguimento das obras da A8 que se materializarán grazas ao compromiso asumido por Fomento, que destina a esta vía uns 98 millóns de euros entre 2012 e 2013
Os populares manterán reunións cos veciños e coas entidades representativas para coñecer de primeira man as actuacións que se levarán a cabo en torno á adecuación da Autovía Transcantábrica ao seu paso por Mondoñedo e prever así as consecuencias que se poden ocasionar nos veciños
O Goberno socialista presupostara para o 2011, 6,3 millóns de euros para o remate do proxecto da autovía nos tramos Lindín-Careira e Mondoñedo-Lindín, mentres que os populares comprometeron para o 2012, máis de 48 millóns de euros
Mondoñedo, 9 de xuño de 2012- O Partido Popular de Mondoñedo crea un grupo de traballo que permite facer seguimento das obras acaecidas en torno a Autovía da A8. Estes acometidos poderanse materializar grazas ao compromiso asumido polo Ministerio de Fomento do Goberno Central que permitirá efectivizar o remate da A-8 ao seu paso por Mondoñedo, debido aos 48 millóns presupostados para 2012, ao que se lle suma a proxección para 2013, e recollendo así en orzamentos para os dous anos unha inversión total que xira en torno aos 98 millóns de euros. Os populares tamén recordan o compromiso de pago de expropiacións dos socialistas, algunhas delas anteriores ao 2009, e que deixaron sen pagar.
En concreto, o Ministerio de Fomento para o 2012, destina máis de 21.7 millóns euros para o tramo Lindín-Careira (9,3 quilómetros) e máis de 26.3 millóns para o que discurre entre Mondoñedo-Lindín, que suma uns 4.7 quilómetros. Mentres que a proxección para 2013 recolle a inversión de máis de 23,4 millóns de euros para o tramo Lindín-Careira e máis de 26.18 millóns para o de Mondoñedo-Líndin.
Cabe recordar que as obras nestes tramos da autovía comezaron no 2005 e prevese, polo tanto, que rematen no 2013. Dado este compromiso dos populares en Madrid, o grupo municipal considera que facer seguimento e control destas obras é a principal axuda que pode ofrecer aos veciños da zona, para evitar así que se repitan os posibles trastornos ocasionados ata agora a raíz das obras na A-8. Dende fai anos, os veciños das zonas de Vigo, Reguengo, O Carme, San Paio e Lindín, entre outros, vían como se inundaban as súas casas e colleitas en días de choiva debido as obras e trastornos ocasionados polas obras da A-8. As obras do tramo da transcantábrica, ao seu paso por Mondoñedo, vironse paralizadas pola necesidade de modificar o tramado orixinal debido a problemas técnicos e de consolidación de terreo. Desta maneira, o Grupo Popular manterá xuntanzas cos veciños e coas entidades representativas das zona.
Dada esta situación sufrida no seu momento co goberno socialista en Madrid, o Partido Popular de Mondoñedo solicitara daquela un plan de emerxencia que permitira solventar os problemas. Agora, como mostra de coherencia, os populares crean un grupo de traballo para facer seguimento das obras. Esta actitude do grupo municipal permitirá facer seguimento dos acometidos que se levarán a cabo grazas á vontade demostrada polo Goberno central e que permitirá materializar un compromiso ralentizado en numerosas ocasións polo departamento liderado por José Blanco e que, ademais de dificultar as comunicacións, estaba a ocasionar importantes trastornos no día a día dos veciños das parroquias polas que discorre a autovía.
Estas cantidades presupostadas polo Goberno central para acometer obras no tramos da Autovía Transcantábrica ao seu paso por Mondoñedo, permiten que Lugo se leve case a metade do orzamento que Fomento destina a Galicia, aproximadamente 130 millóns de euros.
Por outra banda, o Partido Popular de Mondoñedo repulsa a falta de planificación na xestión do bipartito, que retrasou a sesión ordinaria do pleno de maio. Segundo o rexedor local, este aprazamento do pleno débese as consultas que ten que emprender o goberno municipal en relación ao Plan Xeral de Ordenación Municipal, e que ten previsto aprobar provisionalmente no próximo pleno. Os populares aseguran que esta é un nova mostra de falta de traballo cando o documento do PXOM está en poder dos membros da corporación dende o ano 2010.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
