O PP REXEITA UNHA PROPOSTA DO BNG PARA PÓR EN MARCHA, ANTES DE FINAIS DESTE ANO, O PLAN DIRECTOR PARA AMPLIAR O HOSPITAL DA COSTA
Manuel Parga advirte que se non se blinda este hospital e a súa calidade asistencial a Mariña vai ter problemas moi graves
Santiago de Compostela, 20 Xuño 2012.- O Partido Popular impediu hoxe no Parlamento sacar adiante unha iniciativa que tiña por obxecto adoptar medidas antes de que finalice este ano para pór en marcha as obras do Plan director de infraestructuras para a ampliación do Hospital da Costa.
O deputada do BNG Manuel Parga lamentou a postura do grupo popular, xa que se trata dunha infraestructura vital para a comarca da Mariña, “polo que todos deberiamos estar dacordo en potenciala e en evitar a perda de calidade asistencial”.
Parga defendeu unha emenda de substitución á proposta do PSdeG, coa que coincidía no fondo pero a contextualizaba no tempo e que foi aceptada polos socialistas nos seus dous primeiros puntos, o primeiro, relativo ao Plan director e ampliación do hospital e o segundo relativo á necesidade de elaborar un plan específico para ampliar a carteira de servizos e os recursos materiais e persoais.
Tratabase, explicou o deputado, de manter a autonomía de xestión da área sanitaria da Mariña e reforzar a súa capacidade asistencial, “unha demanda moi sentida entre a poboación ante a que non podemos facer ouvidos xordos”.
O parlamentar nacionalista lamentou que 25 anos despois das mobilizacións para dotar á mariña deste hospital haxa que volver a saír a rúa para preservar o seu futuro e a calidade dunha infraestructura que axudou moito a vertebrar a comarca.
Parga alertou de que os novos recortes en sanidade non agoiran nada novo e se non se traballa por blindar o hospital a Mariña vai ter problemas moi graves, asegurou.
O deputado do BNG denunciou o deterioro que se está producindo xa no hospital, con máis de 1.000 persoas agardando por unha intervención cirúxica, cunha espera media superior á galega, con pacientes derivados a outros centros, etc.
Asemade, fíxose eco doutras eivas como a suspensión de tratamentos como o de dor, de probas diagnósticas como as citoloxías, o peche de camas e quirófanos previsto para o verán ou as consultas en barracóns.
Neste sentido, Parga chamou a atención sobre o cinismo do PP, que hai tres anos acusaba á Xunta de “deixación” pola existencia deses barracóns para un servizo de proteción de riscos laborais e agora que si se utilizan para consultas médicas dá a calada por resposta ou segue tentando botar balóns fóra.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
