A PESARES DA SITUACIÓN ECONÓMICA COMPLICADA POLA QUE ESTÁN A ATRAVESAR TODAS AS ADMINISTRACIÓNS O EQUIPO DE GOBERNO FAI UN BALANCE POSITIVO DA SÚA XESTIÓN NESTE PRIMEIRO ANO DO MANDATO. O OBXECTIVO É MANTER E POTENCIAR OS SERVIZOS BÁSICOS QUE SE PRESTAN Á POBOACIÓN, CON ESPECIAL ATENCIÓN ÁS PERSOAS MAIORES E ÁS FAMILIAS CON PROBLEMAS DE INTEGRACIÓN SOCIAL OU LABORAL.
Burela, 28 de xuño de 2012. Os concelleiros do equipo de goberno en Burela fixeron tamén un balance exhaustivo do traballo realizado ao longo do último ano polos seus departamentos. Todos insisten na necesidade de manter e potenciar os servizos básicos que se prestan á cidadanía e subliñan a creación de novas prazas de aparcamento, o apoio dado ao comercio e ao sector pesqueiro, os programa de prevención e atención á dependencia ou as campañas de sensibilización medio ambiental feitas nestes doce meses.
O edil de Economía, Industria e Emprego, José Casas, sinalou que “contamos con menos cartos, pero en colaboración con moitas asociacións estamos a facer moitas actividades en Burela”. O equipo de goberno do Concello de Burela considera “un puntal para o sector do comercio a posta en marcha de ACIA Burela porque está facendo moitas cousas para reactivar o comercio e a hostalería con diferentes tipos de accións que se deixan sentir na economía da vila. Este colectivo vai contar co noso apoio ao igual que o sector pesqueiro de Burela”.
Diana Durán, a concelleira de Servizos Sociais e Sanidade, explicou que “levamos adiante a ampliación progresiva do servizo de axuda no fogar para persoas en situación de dependencia, así como ás familias con problemas de integración social ou laboral, puxemos en marcha o I Plan Municipal de Integración de Inmigrantes e redactamos a ordenanza municipal de accesibilidade e incrementamos as prazas de aparcamento para persoas con mobilidade reducida. Tamén instauramos programas de prevención e atención á dependencia: Dalle vida aos teus anos, ximnasia preventiva, fisioterapia a domicilio. Traballamos moito, pero aínda quedan moitas cousas por facer, pero pouco a pouco agardamos ir conseguíndoas”.
Pola súa banda o concelleiro de Obras, Urbanismo, Tráfico e Protección Civil, Manuel Fernández Valle, referiuse á eliminación dalgún tapón urbanístico para facilitar a circulación nalgunhas zonas da vila, “ademais nestes meses procedemos a reordenar as prazas de aparcamento para aproveitar mellor o espazo existente e habilitáronse en terreos particulares novas zonas para estacionar os vehículos”.
Patricia López Eijo, concelleira de Medio Ambiente e Mar, subliñou que “melloramos o sistema de recollida de aceite usado, limpamos distintos vertidos incontrolados detectados nas inmediacións do Monte Castelo e do punto limpo, realizamos varias campañas de sensibilización (reciclaxe, aforro enerxético). Neste primeiro ano noso no Concello efectuáronse melloras no acceso á praia do Penoural ademais de diversas reformas demandas pola confraría de pescadores, conseguimos as bandeiras azuis para os areais de A Marosa e O Portelo e tamén para o centro de educación medioambiental Gaia e para o barco Museo”.
A delegada de Educación, Cultura e Turismo, Mónica Pedre, contou que “fixemos novos rueiros porque se estaba a traballar con fotocopias dos feitos no ano 2006, elaboramos o regulamento de réxime interno da Escola de Música e aumentamos o número de profesores, tamén se incrementou a presenza de coidadores nos comedores escolares, que se manterán para o vindeiro curso, realizáronse varias obras nos centros de ensino de Burela, programáronse actividades extraescolares para conciliar a vida laboral e a vida familiar. Os tempos son os que son, pero o noso obxectivo é manter todos os servizos importantes que lles prestamos aos nenos e nenas e ás súas familias”.
Pola súa banda, Beatriz Piñeiro, concelleira de Xuventude e Deporte, fixo fincapé na continuidade das escolas deportivas municipais de outro a xuño, “neste ano impartíronse dúas modalidades mais que foron ballet e patinaxe artística. Ditas escolas foron gratuítas, algo moi importante nos tempos que corren, ao igual que o son as actividades deportivas de verán; tivemos o día da bici, o día do patín, as noites alternativas, entre outras”.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
