As monitoras de Gaia desprazáronse esta mañá á praia de Portelo onde 18 nenos que participan nas actividades da ocioteca (un grupo de 7 a 12 anos) fixeron un xogo chamado Lanza e pesca, Pezqueñines, non grazas. Os nenos durante unha xornada foron pescadores utilizando unhas cañas de pescar e unha piscina hinchable chea de auga salada con peixes de plástico e con lixo flotando ( botellas, redes, corcho, etc) simulando a contaminación das nosas costa. Alí tiveron que dar renda solta as súas dotes de habilidade pescando soamente os peixes e deixando o lixo na piscina/mar. Os alumnos aprenderon a identificar peixes de auga doce e auga salgada, as súas propiedades, medida e o peso ideal e aprenderon a valorar a importancia de manter o noso mar limpio evitando deixar lixo tirado na praia e coñecendo diferentes tipos de contaminación. As monitoras de Gaia explicáronlles aos alumnos “o efecto nocivo que ten a sobrepesca ou o emprego de artes depredadoras como os aparellos de arrastre, para a sostibilidade do medio mariño a medio e longo prazo frente a arte selectiva ou curricán, empregado polos boniteiros de Burela”.
Actividade na que participaron os rapaces de 7 a 12 anos que acoden á ocioteca do Concello de Burela
Relacionado
-
A conselleira do Medio Rural, María José Gómez, asistiu este sábado á celebración do XXXIV Mercado Medieval de Mondoñedo, que se celebra ao longo desta fin de semana
-
A Deputada de Réxime Interior, Promoción do Territorio e Turismo, Pilar García Porto, participou este sábado na Escola da Liga Santaballesa de Vilalba na presentación da programación das XVI Xornadas sobre migración indianas e da XVI Feira do Indiano, que se celebrarán o vindeiro 12 de setembro
-
O Restaurante & Catering Los Olivos, xunto á praia de Navia, organizará o 12 de agosto unha espicha especial para seguir o eclipse desde unha localización destacada, segundo o astrónomo Hugo García Fernández
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
