Antes esquecidos agora sentenciados

ANTES ESQUECIDOS AGORA SENTENCIADOS

Como cambian as cousas e sempre para peor, da medo leer os xornais ou ver os telediarios, todo son novas negativas e preocupantes (subida da prima de risco, crisis financeira, corrupción, recortes sociais, etc…), parece como se estivesemos a vivir un mal sono, un pesadelo que nos vai quitando a vida pouco a pouco e, como non pode ser doutra maneira, xorden as “terapias reparadoras” dos gobernos encamiñadas a poñer os cimentos dun novo orde para “mellorarnos” as condicións de vida.
E neste contexto nos atopamos no Colexio de Ensinanza Infantil e Primaria de San Cosme de Barreiros, antes eramos “esquecidos”, como ben dicía na prensa hai algún tempo un pai preocupado pola educación e melloras no devandito centro, e hoxe, lamentablemente, temos que pensar que ademais somos uns “sentenciados”, e dicimos isto por todo o que nestes días está a acontecer co centro referido de cara o vindeiro curso: comunicase a dirección do centro por parte da Consellería de Educación, sin acordarse da ANPA, e coa “suficiente antelación” (un día antes do peche do curso), non fora a ser que “se destapase a caixa dos tronos” as bondades do “axuste ou reordenación educativa” para o vindeiro curso 2012-2013, consistente básicamente en levar a cabo unha reducción da plantilla do persoal docente, pasando de 8 profesores a 2 mais outro de carácter “itinerante” e agrupando en duas aulas respectivamente os alumnos de infantil e de primaria coma hai anos (coas consecuencias negativas que iso conleva), quedando sin profesorado adscrito en materias coma música e educación física. Todo isto faise “supostamente” polos recortes necesarios derivados das dificultades económicas actuais pero eso sí “garantese o funcionamento do centro”, coma sen non houbese onde recortar sin tocar algo no que nos xogamos o futuro do noso pobo como é a educación dos nosos fillos, sí a educación dos que terán que arranxar nun futuro a desfeita.
Pero ¿cómo se pode facer semellante recorte, sin avisar debidamente en tempo e forma?, e para mais condenando irremediablemente a unha situación de “indixencia educativa” os nosos nenos e nenas, establecendo por riba un agravio comparativo con outros centros da comarca, se nin sequera ter en
conta que a matrícula de alumnos se mantén e incluso podería experimentar aumento. Iso é o que moitos nos preguntamos, e, por mais voltas que lle deamos solo cabe a explicación da aplicación dunha “sentenza” que, esperemos, non sexa “de morte”.
¿Cara onde imos?, ¿qué cabe esperar?…………..,
ANPA do CEIP de San Cosme de Barreiros