BURELA XA É DE PRIMEIRA
Xa é oficial. Burela xa é de Primeira. O equipo masculino dá o ansiado salto á elite futbolística; así o aprobou esta mesma mañá a xunta directiva da Liga Nacional de Fútbol Sala na composición da categoría para a vindeira tempada. En 2012-13 Vista Alegre será o templo da Primeira División, Masculina e Feminina.
Segundo quixeron transmitir o presidente da entidade, José Ramón González Casas, e o director xeral, José Luis Sáez Castro, “o equipo manterá a liña de traballo, esforzo e dedicación que vén demostrando dende o seu nacemento”. “Comezamos esta nova etapa moi ilusionados, pero tamén cos pés no chan. Somos conscientes da difícil situación que atravesa o país e da realidade da nosa entidade, por iso seguiremos baseando o proxecto laranxa na seriedade, compromiso e austeridade sen fundamentarnos en hipóteses nin especulacións”, explicou José Ramón González Casas.
Os dirixentes burelistas tamén trasladaron o sentimento de orgullo da xunta directiva e do club pola boa nova. “Esta é unha excelente recompensa ao labor de todas as persoas que contribúen día a día a fortalecer a nosa estrutura e un premio para a incondicional afección laranxa. Xa eramos de Primeira, co equipo feminino, pero agora convertémonos no único club de España con dous conxuntos na elite e debemos seguir traballando paseniño por metas máis altas” dixo José Luis Sáez.
“É un ascenso merecido. O Burela FS Pescados Rubén loitou ata o último partido de play off e gañou a súa presenza en Primeira como dereito deportivo, en virtude das directrices marcadas pola LNFS” quixo incidir o presidente laranxa, que tamén adiantou as metas para a estrea na elite: “O noso principal obxectivo é coñecer e adaptarnos á categoría para crear un proxecto que se consolide en Primeira”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
