UNHA TREINTENA DE NENOS E NENAS DE DIVERSAS NACIONALIDADES ASISTIRÁN ÁS CLASES DE APOIO ESCOLAR QUE UN ANO MÁIS ORGANIZA A CONCELLARÍA DE SERVIZOS SOCIAIS. O PROGRAMA CONSTRUINDO O VERÁN INCLÚE OBRADOIROS IMPARTIDOS POLO PERSOAL TÉCNICO MUNICIPAL.
Ribadeo, 4 de xullo de 2012. Unha treintena de nenos e nenas de diversas nacionalidades con idades comprendidas entre os 6 e os 15 anos asistirán ás clases de apoio escolar que un ano máis organiza a Concellaría de Saúde e Servizos Sociais. O programa renovado denomínase Construindo o verán e inclúe obradoiros impartidos por persoal técnico municipal. A educadora familiar e dúas mestras voluntarias serán as encargadas de impartir as clases, que darán comezo o vindeiro 9 de xullo nas instalacións da Escola Oficial de Idiomas.
Teresa González explicou que “a tradicional escola de verán que o Servizos Sociais do Concello, dentro do seu programa de educación familiar, desenvolveron ao longo dos últimos anos continúa a súa andaina, pero agora remozada, incorporando novos proxectos”.
O novo programa denomínanse Construindo o verán, “vai tratar con alumnado da zona dos colexios de Ribadeo que presentan dificultades no seu curriculum escolar. O que pretendemos é conciliar a vida laboral e familiar e implicar ás familias nas tarefas educativas. Queremos que os nenos e nenas sexan conscientes que traballando a pouquiños durante estes meses se poden conseguir resultados”.
Unha treintena de nenas e nenos con idades comprendidas entre os 6 e os 15 anos disfrutarán deste programa, “son de diferentes nacionalidades, ademáis de rapaces de aquí temos nenos do Brasil, Perú, Venezuela, Portugal, Colombia, Chile, etc. Trátase de que reciban un apoio escolar adaptado a cada unha das idades”. A educadora familiar do Concello e dúas mestras voluntarias serán as encargadas de impartir as clases que se desenvolverán de luns a xoves de 11 a 13 horas nas instalacións da Escola Oficial de Idiomas de Ribadeo. Os venres, co mesmo horario, os nenos e as nenas asistirán a diversos obradoiros impartidos polo persoal técnico municipal de turismo, medio ambiente, igualdade, trastornos aditivos e saúde, e desenvolvemento local. A concelleira de Saúde e Servizos Sociais subliñou que “ditos obradoiros se adaptarán a cada una das idades. Abordaránse cuestións coma técnicas de grupo para traballar a autoestima, técnicas de estudo, estereotipos sexistas na publicidade e nas redes sociais, rutas polo casco vello e polo sendeiro azul. O que se fará é optimizar os recursos que temos no Concello e como novidade este ano contamos con dúas mestras voluntarias que traballarán con nós”. Si algún voluntario máis desexa participar neste programa Construindo o verán o único que ten que facer é dirixirse aos Servizos Sociais do Concello de Ribadeo.
González Piñeiroa engadiu que “tamén haberá xogos populares e educativos co fin de motivar aos nenos e nenas e que vaian de bó grado”. As clases darán comezo o vindeiro luns, 9 de xullo, e rematarán o 24 de agosto.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
